Poloniya musulmanları dernegi “rus” Qırım ile bir taqvimni basıp çıqardı
Poloniyadaki Musulmanlar Diniy Birligi 2021 senesi içün bir taqvim basıp çıqardı, anda Qırım camileri "Rusiye Federatsiyasınıñ" olaraq qayd etilgen.
Bu aqta öz Facebook saifesinde Poloniyadan Bütün dünya qırımtatarlar kongressi icra komitetiniñ azası Nedim Üseinov haber etti.
“Poloniyadaki musulmanlar diniy dernegi, Qırımdaki camilerni RF bir parçası olaraq qayd etilgen bir taqvimni basıp çıqardı”, - yazdı Üseinov.
O, vaqianıñ izaа etmege çağırdı ve aynı zamanda Musulmanlar Aliy kölecinden açıqlama istep malümat talabı yolladı.
“Umüt etem ki, bu areket malümatı olmağan muarrirniñ hatasıdır, neşriyat ise aşıqıp buña diqqat etmedi”, -yazdı o.
Taqvimde işğal etilgen Aqmescit, Kefe, Bağçasaray ve Eski Qırımdaki camiler Rusiнeniñ kibi qayd etilgen.
Malümat olaraq
- İspaniyanıñ RTVE Devlet teleradioşirketi, COVID-19 koronavirus hastalığınıñ dünyada tarqalması aqqında malümat yayınladı, Qırımnı ise Rusiyeniñ qısmı olaraq kösterdi.
- BBC News World muarrireti ceviz ayınıñ 25-nde Harkiv civarında qazağa oğrağan AN-26 uçaq qazası aqqında malümatta Qırımsız Ukraina haritasını yayınladı.
- Frenk ARTE telekanalı Qırım MC dair halqara uquq vaziyeti aqqında malümat grafikasında işğal etilgen yarımadasını RF territoriyasınıñ qısmı olaraq kösterdi.
- UTH Ukraina topraq bütünligine qast etüv içün bloger Anatoliy Şariyge qarşı cinayet davasını açtı.