SBU BMHŞ-ten Belanto çeh şirketinen işbirlikni toqtatmağa talap ete
Ukraina Telükesizlik hızmeti Birleşken maden ve himiyeviy devlet şirketinden Belanto çeh şirketinen işbirlikni toqtatmağa talap ete. Çünki şirket Rusiye işğal etken qırımğa ukrain ilmenitniñ teslim etmesinen qabaatlana. SBU talabına baqmadan, şirketniñ başı Artur Somov Belanto çeh şirketinen işbirlikni toqtatmağa red etti.
Bu aqta SBU BMHŞ-niñ başı Tetâna Gögenko adına yollağan mektüpte yazıla, bu “Sanayı nazirlikniñ” maiyetindedir.
“Devlet telükesizligine zarar ketirmemek, Ukraina topraq bütünligine qast etüvnin aldını almaq maqsadınen, er yey belli olğana qadar Belanto şirketiniñ adına teslimatnı toqtatmağa rica etem”, - yazıla mektüpte.
Telükesizlik hızmetiniñ mektübi. Menba: Sanayı nazrligi
Bu sefer Bogdan gemisi 10 biñ tonna miqdarında ilmenit kontsentrat partiyası içün yolğa çıqtı. Qasım ayınıñ 27-nde Çernomorskiy limanına (Odesa vilâyeti) keldi.
Gemi közetme sisteması, Suriyeniñ Souria gemisi Belanto-dan ilk ilmenit partiyası ile qasım ayınıñ 25-nde işğal etilgen Qırımdaki Keriç limanında yüküni boşatqanını kösterdi.
Menba: vessel finder
Suriye gemisi artıq Bulğaristannıñ Varna limanına keldi, mında ilmenitniñ ekinci partiyasınıñ Bogdan gemisine yüklenmesi olacaqtır. Bu gemi, Çernomorskta yüklengen soñ onıñ qarşısını çıqcaq.
Menba: vessel finder
İlmenitniñ ilk partiyasınıñ işğaot etilgen Qırımğa Belanto-dan yollanılğanı kibi, ğayrıdan yüklenmek içün eki gemi qomşu Konstantsa limanında qarşılaşa bile.
Böylece, ilmenitniñ ekinci partiyası Belanto ile muqavelesine köre Rusiyege, soñra Dmitriy Firtaşnıñ “Qırım Titanı”na yollanılacaq.
Malümat olaraq
- Çehler ile muqavele bu yılnıñ arman ayında Qırım Titanına 25 biñ tonna irşansk ilmenitini yollağan Almaniyanıñ ITS şirketi ile mukaveleni deñiştirdi.
- İlmenitniñ ilk partiyasını çehler Salvania gemisine qasım ayınıñ 11-nde Çornomorska limanında yükledi. Soñra qasım ayınıñ 12-nde Konstantsa limanında Souria gemisine yüklenildi.
