Bu aqta qasım ayınıñ 19-nda yayınlanğan Missiyanıñ maruzasında yazıla. 

İşğal etilgen Qırımda ukrain devlet, belediye ve hususiy köçmez mülküniñ “devletleştirilüvinden” soñ 2016 senesi işğalciler işğalden evel Qırım sakinlerine berilgen içtimaiy ve diger evler berilüviniñ “qanuniyligini” teşkerdi ve Rusiye qanunlarına köre yañı “muqaveleler” tizmege mecbur etti.

Teşkerüv neticesinde işğalciler Qırımlılarnıñ içtimaiy evlerden çıqarılması ile bağlı eñ azından 73 “mahkeme davası” açtı. Bu “davalardan” 43 adamlarnıñ yaşağan yerinden çıqarılması ile bitti (28 erkek, 41 qadın, 9 bala - 6 oğlan ve 3 qız).

Aynı zamadna 35 kiracı (16 erkek, 17 qadın ve 2 bala) RF ile yañı muqavele tizilmesine qarşı “dava” açtı. Mahkeme olarnıñ talaplarını red etti. 

Malümat tezkeresinde qayd etilgenine köre, “mahkemeler” insan aqları saasında halqara uquqnı bozıp, Rusiye qanunlarını qullanğan. 

Haber etilgenine köre, iç bir kimsege zarar ivaz etilmegen  ve alternativ ev de berilmegen. 

İnsan aqlarından Yuqarı komisarnıñ idaresi Qırımdaki RF “akimiyetini” sakinlerniñ aqlarına riayet etmege davet etti. 

Malümat olaraq

• BMT Baş Assambleyasınıñ Üçünci komiteti işğal etilgen Qırımdaki bütün Rusiye organlarını qanunsız tanıdı.