Ukraina ve daa üç memleket Keriç köprü sebebinden qoyulğan AB keñleştirilgen sanktsiyalarına qoşuldı
15:49, 20 Qasımay
Foto menbası: euobserver
Ukraina, Montenegro, Arnavutlıq, Norveç Avropa Şurasınıñ Keriç köprüniñ quruluvına ait olğan iştirakçilerge qarşı sanktsiyalar keñleştirilüvi aqqında 2020 senesi ekin ayı 1 tarihlı qararına qoşuldı.
Bu aqta AB temsilcisiniñ bildirmesinde yazıla, dep habet etti Avropa parlamentiniñ matbuat hızmeti.
“Avropa iqtisat mıntaqasına kirgen namzet memleketler Montenegro ve Arnavutlıq, Norveç ve Ukraian AB Şurasınıñ qararına qoşula”, - yazıla bildirmede.
Mezkür memeleketler öz milliy siyasetini AB Şurasınıñ qararına köre tertipke qoyacaqlar dep qayd etile.
“Avropa Birligi bu mecburiyetni itibarğa ala ve alğışlay”, - dep yazıla.
Malümat olaraq
- Avropa birligi Keriç köpüri ile işğal etilgen Qırımnen demir yol bağ içün Rusiye Federatsiyasınıñ iş haneler ve hususiy şahıslarğa qarşı şahsiy sanktsiyalarnı qabul etti.
- Büyük Britaniya Qırım köpürniñ quruvınen bağlı olğan şahıslar ve terkiplerine qarşı sanktsiyalarnı kirsetti
- İsviçre, Avropa Birliginden soñ, işğal etilgen Qırımda Keriç köpürniñ quruvınen bağlı olğan kompaniyalar ve şahıslarğa qarşı sanktsiyalarnı kirsetti.
- 2018 senesi AB Keriç köprbnin quruluvında iştirak etken 6 şirketke qarşı sanktsiyalar qoydı.
