Bugünki künde işğal etilgen Qırımda suv anbarlarınıñ quruma meydanı 45% teşkil ete - ekspertler
Bugünki künde işğal etilgen Qırımda suv anbarlarınıñ quruma meydanı 45% teşkil ete , özenlerniñ meydanı ise 25% azlaştı. Ekspertlerniñ fikrince suvsızlıq sebebi tek iklif faktorı degil, buña daa arbiyleştirüv, yarımadağa ruslarnı avuştıruv ve suvnı mantıqsız qullanuv menfiy tesir etti.
Buña Ukraina Agroekologiya ve tabiatnı qullanuv institutı yayınlağan közevüt delâlet ete. Bu meseleni Qırımtatar resurs merkezi muzakere etti.
Qırımtatar resurs merkeziniñ başı Eskender Bariyevniñ bildirgenine köre, suv anbarlarınıñ quruma sebeplerinden biri 700-ge yaqın rusiyelini yarımadağa avuştıruv oldı.
“Rusiye Qırımda RF-dan köçkenler içün çoqqatlı meskün yerni qurdı ve faaliyetke keçirdi, eki issilik elektrostantsiyasını işletmege açtı, bundan ğayrı infraterkip obyektleri, yollar, bularnıñ episi içün qoşma resurslar kerek oldı, şu cümleden suv da”, - dedi o.
Bugünde işğal etilgen Qırımda suv yolu borularından suv ğaybı 50-60% teşkil ete.
Öz nevbetinde, Kıyiv-Mogilân akademiyasınıñ ekologiya kafedrasınıñ professorı, Ukraina İqtisadiyat ilmler akademiyasınıñ akademigi Yevgen Hlobıstov suv siyaseti ile bağlı eñ büyük telükelerni aytı.
“Birincisi - artezian suvnıñ kommunal hocalığı ve yaşayış içün qullanuvı. Diger taraftan, biz suvaruvğa esaslanğan çiftçilikni toqtattıq demek mümkün, çünki suvarmaq içün suv yoqtır, iklim sahrağa çeviirle. Ve ekinci büyük mesele - suv istimalcılarnıñ aqiqiy sayısı belli degil”, - dedi o.
Malümat olaraq
- Suvsuzlıq sebebinden Aqmesditni suvnen temin etken suv anbarlarında pek az suv qaldı.
- Qırım ekologı Margarita Litvinenkonıñ fikrince, göl ve suv anbarlarınıñ doğru qullanuvı yerine, Rusiye ükümeti yarımadanıñ işğali başlanmasından tabiat resurslarını varvarca işletken.
- İşğal etilgen Aqmescit yanında qoşma suv tulumbalap çıqarılacaq, künde 80 biñ kub.
