Bu aqta  BMT-daki ABD missiyasınıñ Twitterdeki bildirmesinde ve OSCE-deki ABD missiyasınıñ saytında yayınlanğan Ceyms Gilmornıñ çıqışında aytıla. 

BMT-da ABD missiyası

“ABD Rusiye Federatsiyasını işğal etilgen Qırımda bozuvlarnı toqtatmağa, qanunsız apis etilgen bütün ukrain siyasiy mabüslerini azat etmege ve yarımada üzerinde tam nezaretni Ukrainağa qaytarmağa çağıra”, - BMT-daki ABD missiyasınıñ bildirmesinde yazıla. 

Bundan ğayrı o, Qırımnıñ RF tarafından işğal etilmesi söz serbestligi, din serbestligi, tıns toplaşuvlar keçirilüvini ciddiy şekilde bozğanını ve çoqusını yarımadadan qaçmağa mecbur etkenini qayd etti. 

“Qırım sakinlerine, cemaatçılıqqa ve bu aqlarnı imayet etken aq-uquq qoruyıcılarğa qoltutamız”, - qayd etile bildirmede. 

ABD, Qırımda insan aqları vaziyetinen bağlı qararnıñ müelliflerinden biri olğanından ve oña rey bermekten ğurur duya.  

“Vaziyet anda pek fena, çünki Rusiyeniñ işğal akimiyeti küç qullana ve oña qarşı olğanlarnı qorqutıp, taqip ete”, - dep yekünlediler Missiyada. 

OSCE-de ABD missiyası

Aynı zamanda, işğal etilgen Qırımda insan aqları vaziyeti aqqında OSCE-deki ABD elçisi Cems Gilmor da öz fikrini bildirdi. 

Onıñ aytqanına köre, Rusiye işğal etilgen yarımadada yaşağan qırımtatarlarğa qarşı basqıcı siyaset qullana. 

“Rusiye apishanelerinde tutulğan qırımtatar faalleri aqqında tüşüniñiz. Bu babası öske 200-ge yaqın bala. Böyle areket Rusiye halqınıñ adından yapıla. Olarnıñ adından böyle bir şeyler yapılğanını bu adamlar begenelermi?  Biz kene de Rusiye Federatsiyasını işğal etilgen Qırımda bozuvlarnı toqtatmağa, qanunsız apis etilgen ukrain siyasiy mabüslerini azat etmege ve qarşılıq bildirgenlerniñ taqip etüvini toqtatmağa çağıramız”, - dedi Gilmor.

O, Rostov-na-Donudaki mahkeme Rusiyede yasaq etilgen “Hizb ut-Tahrir” teşkilâtınıñ işinde iştirak etüvnen qabaatlanğan üç qırımtatar Rustem Emirüseinov, Arsen Abhairov ve Eskender Abdulganiyevge çıqırğa uyukmler aqqkında hatırlattı. 

Malümat olaraq

• Qasım ayınıñ 3-nde Rostov-na-Donudaki Cenübiy bölge arbiy mahkemesi Qurman “Hizb ut-Tahrir davası”nıñ üç mabüsine üküm çıqardı. 
• BMT Baş Assambleyasınıñ Üçünci komiteti işğal etilgen Qırımdaki bütün Rusiye organlarını qanunsız tanıdı.
• Qasım ayınıñ 18-nde, BMT 75-nci BA Üçünci komiteti Ukrainanıñ işğal etilgen Qırımda insan aqları ile bağlı yañartılğan qarar leyhasını maqul kördi. Amma 26 memleket bu qararğa qarşı çıqtı.