BMT Baş Assambleyası Komitetiniñ oturışı BMT saytında yayınlandı. 

Ukrainanıñ leyhasına qarşı 26 memleket çıqtı: Ermenistan, Rusiye, Belarus, Şimaliy Koreya, Suriye, Venesuela, Nikaragua, Zimbabve, Qazahistan, Qırğızistan, Angola, Burundi, Kamboca, Qıtay, Kuba, Eritreya, Gvineya, İndistan, İran, Myanma, Filippinler, Sudan, Cenübiy Sudan, Cenübiy Afrika, Tacikistan, Uganda.

67 devlet ise qarar leyhasına qoltuttı: Ukraina, G7 memleketleri (ABD, Kanada, Büyük Britaniya, Almaniya, İtaliya, Frenkistan, Yaponiya), Azerbaycan, Türkiye Avstraliya, Avstriya, İsrail, Poloniya ve digerleri.  

82 memleket bitaraf qaldı.

Menba: Facebook/ Emine Dzheppar

BMT BA qararğa aralıq ayında rey bermesi beklenile. 

Ukraina TİN başı Dmıtro Kuleba Twitter saifesinde yazğanına köre, qararnı qabul etüv, işgalci devletniñ halqara mecburiyetlerge, hususan halqara uquqqa riayet etmesi içün Rusige tazyıqnı daa da quvetleştirecek.

Bundan ğayrı qararda Rusiye yarımadağa öz ealisini avuştırğanı ve mecburiy vatandaşlığını aldırtqanı aqqında yazıla. 

Malümat olaraq

• 2014 senesinden başlap, Rusiye Qırımnı işğal etken soñ, yarımadanı 45 biñge yaqın ukrain terk etip ketti. RF ise öz ealisini Qırımğa avuştırıp, Jeneva şartnamesiniñ bütün qaidelerini ve protokollarını boza.