Bu aqta BMT-da Ukraina daimiy temsilcisi Sergiy Kıslıtsâ BMT Baş Assambleyası Üçünci komitetindeki çıqışı vaqtında ayttı. 

“45 biñ kişi Qırımnı terk etti, işğalci devlet ise, Jeneva şartnamelerine ve protokollarına baqmadan Qırımğa öz ealisini avuştır”, - dedi o. 

Kıslıtsâ “Qırım MC ve Aqyar şeerinde insan aqları vaziyeti” qarar leyhasını taqdim etti. 

O, Rusiye işğalci devlet olaraq tanılğanını ve onıñ Qırımdaki “organları” ve “vazifedar şahısları” qanunsız olğanını  qayd etti.

Bu qarar leyhası, işğal etilgen topraqlardaki adamlar umutsiz vaziyetke oğrağanını qayd ete. 

“Muntazam basqılar, tevqif etüvler, taqip etüvler, iskenceler bütün bular Qırımnıñ aqiqatıdır. 100-ge yaqın Ukraina vatandaşı siyasiy sebeplerden qanunsız sürette apiste tutulmağa devam etile. Qasım ayında apis cezasına mahküm etilgen qırımtatarlarnıñ sayısı ziyade oldı, olarğa 12-17 yılğa ükümler çıqarıldı”, - dedi o. 

Ozb çıqışında o, Ukrainanıñ işğalce devletke dair deñişmez mevamını bildirdi. 

Malümat olaraq

• Qasım ayınıñ 18-nde Ukraina TİN başı Dmıtro Kuleba BMT BA Üçünci komiteti işğal etilgen Qırımda insan aqları bozuvları aqqında yañartılğan qarar leyhasına qoltutqanını bildirdi. 
• Qasım ayınıñ 3-nde Rostov-na-Donudaki Cenüy bölge arbiy mahkemesi Qurman “Hizb ut-Tahrir davası”nıñ üç mabüsine üküm çıqardı.