Bu aqta Ukraina Yuqarı Radasınıñ insan aqları vekâletlisi Lüdmila Denisova  Facebook saifesinde haber etti.

“Tuvğanlarnıñ aytqanına köre, semetdeşimizge tibbiy yardım kösterilmey, bu ise İnsan aqları qoruv şartnamesiniñ 3 maddesini bozuv, bundan ğayrı BMT İqtisadiy ve içtimaiy şurası tarafından qabul etilgen 9, 10, 20 maddelerini bozuv (siyasiy mabüslerge davranuv)”, - yazdı o. 

Bu kibi davranuv iskence kibi sayıla ve Abdullayevniñ ayatı içün telükelidir. 

Qırımtatarnıñ aqları muntazam tarzda bozula, dep qayd etti. Çünki bundan evel o, esassız beş ay devamında ceza izolâtorında tutuldı. 

Denisova dünya toplulığını qırımtatarnıñ aqları bozulğanına diqqat etmege çağırdı. 

Malümat olaraq

• Arman ayınıñ 31-nde Adbullayev kene ceza izolâtorına yerleştirildi. 
• “Hizb ut-Tahrir davası” boyunca apis etilgen qırımtatar 141 kün ceza izolâtorında bulundı. Bundan soñ şiddetli şarait ile kamerağa keçirildi. Arman ayınıñ 18-nde ise kene on künge ceza izolâtorına. 
• Oraq ayınıñ ortasında Abdullayevniñ anası BMT insan aqlarından Yuqarı komissarına şikâyet yollağan edi.