İşğal etilgen Qırım ve aqyarda suv meselesini çezmek içün daa 870 mln ruble ayırdılar
Rusiye iqtisadiyat inkişaf nazirligi orta küz aynıñ 29 bildire ki, tayin etilgen müddetinden eki aftadan evel federal bücetinden “Qırım ve Aqyar sakinlerni suvnen temin etilmesiniñ operativ tedbirleri içün” 870 mln ruble ayırdı.
Bunı Rusiye İqtisadiyat inkişaf nazirliginiñ matbuat hızmeti bildire.
Qayd etilgeni kibi, federal bücettinden işğal etilgen Aqyar ve Qırımnıñ bücetine ayırılğan 227,7 mln ruble (82 mln grn) ve 643,5 mln (230 mln grn) ruble teslim etilgen ediler.
“Elverişsiz meteorologiya şaraitleri ve yerli suv anbarlarında suv yedeklerniñ azlaşuvı içün Qırım yarımadadaki ealisiniñ suv berilmesinen bağlı meseleniñ qıyınlığını añlayaraq, Qırım sakinlerni suvnen temin etmek içün, vilâyetler subyektlerinen muqavelerni tayin etilgen müddetinden evel tizdik. Bu yılnıñ soñuna qadar Qırım kün içinde qararnen 22 500 metr kub suvnen ilâve temin etilecektir, Aqyar ise-kün içinde 18 500 metr kub suvnen”,-alıntıla Rusiye iqtisadiyat inkişaf nazir muavini Sergey Nazarovnıñ matbuat hızmeti.
Belli olğanı
- İşğal akimiyeti Aqmescitniñ suvnen temin etilmesi içün suv ağnıñ quruvını kösterdi.
- İşğal etilgen Qırımda suvnıñ ilâve çoqraqlarnıñ araması boyunca işleri devam etile.
- Qırım alimlerniñ fikrine köre, Salgir özeninden suvnı içilip olğan yapmaq mümkün.
- İşğal etilgen Aqyarda suv qıtlığı sebebinden büyük azırlıq tertibini kirsettiler.
