UEQM başı, Qırımnıñ işğalinden soñ yarımadada satın alğan topraq beyannamesini resmiyleştirmedi

Присяжнюк Владислава
·
12:58, 29 Ekimay
UEQM başı, Qırımnıñ işğalinden soñ yarımadada satın alğan topraq beyannamesini resmiyleştirmedi
Foto menbası: Радіо Свобода

Esas Qanun makeme başı Aleksandr tupitskiy 2018 senesi, rusiye qanunları boyunca alış-veriş añlaşmasını resmiyleştirip, Qırım Muhtar Cemhuriyetteki Koreiz qasabasında topraq arazisiniñ saibi oldı, lâkin bunıñ aqqında öz mal ve kelirler beyannamesinde mlümatnı qayd etmedi.

Bunıñ aqqında “Shemalar” programmasınıñ jurnalistleri haber eteler.

Qayd etile ki, topraq 2018 senesi Koreiz qasabasındaki arazisi satın alınğan edi. Neşir buna tasdıqlamasını Rusiye Federatsiyasınıñ köçmez mülk Yekâne devlet sicilinden aldı.

Alış añlaşması, Tupitskiy UEQM reber muavini vazifesinde bulunğan vaqıtta olıp keçti. Bu añlaşma, onen Rusiye vatandaşı Vladimir Risâtovda 126 metr kub miqdarında topraq arazisine resmiyleştirilgen edi. “Shemalar” qayd eteler ki, topraqnıñ satın aluvı Tupitskiyniñ ne 2018, ne de 2019 senelerdeki beyannamelerinde qayd etilmey.

Adliyecilerniñ sözlerine köre, bu vaziyette memur içün er variant naçaredir. Haber etile ki, ukrain devlet hızmetçileri ukrain qanunlarına binayen vaqtınca işğal etilgen Qırım MC teşkil etilgen qanunsız organlarınen işdeşlik yapıp olamay. Memur başqa şahıstan bir şeyni bedava bile alsa, qabarcılıqqa qarşı qanunlarınen qanunsız ediyesi olaraq sayıla bile.

Bunen beraber, “Status” (Yalta) köçmez mülk agentlik müdiri Eduard Kissniñ malümatına köre, Koreizde yüz metr kvadratnıñ bazar fiyatı 5 biñden başlap- 15 biñ dollarğa qadar yete.

Belli olğanı

  • UEQM matbuat hızmetinde, “UEQM reberi Aleksandr Tupitskiyniñ saibinde ve qullanuvında olğan bütün malı aqqında malümatı onıñ er yıllıq beyannamesinde” olğanını ilân ettiler.