İşğal etilgen Qırımdan 200 ziyade asker namzeti yarımada tışında hızmet etmege yiberdiler
11:13, 29 Ekimay
Foto menbası: Минобороны России
İşğal etilgen Qırımdan 200 ziyade asker namzeti yarımada tışında hızmet etmek içün arbiy-naqliyat aviatsiya uçaqları ile yiberilgenler.
Bunı Rusiye Qaradeñiz flotnıñ matbuat hızmeti bildire.
“Qırım cemhuriyetinden 200 ziyade asker namzeti vatandaşlarnıñ arbiy hızmetine 2020 senedeki küz çağıruvı çerçivesinde yarımada tışında hızmet etmek içün arbiy-naqliyat aviatsiya uçaqları ile yiberilgen edi. Asker namzetlerniñ yiberüvi vilâyette işlengen yepidemiyağa qarşı tevsiyelerniñ kompleksine riayet etüvi ile keçe edi”,-denile beyanatta.
Qayd etile ki, asker namzetlerniñ episi Rusiyedeki Cenübiy arbiy bölüklerniñ qısımlarda hızmet etecekler.
Belli olğanı
- Ukraina tışqı işler Nazirliginiñ malmatına köre, soñki altı yıl içinde qırımlılar ve aqyar sakinlerniñ qararnen 25 biñni rusiye ordusına hızmet etmege yiberdiler.
- Qoşma Ştatlar ilân eteler ki, Rusiyenen işğal etilgen Qırımnıñ askeriyleşüvi tek Ukrainanıñ degil de, başqa ülkelerniñ telükesizligi içün havflıdır.
- Orta küz aynıñ 15, Avropa Birligi, Rusiyenen işğal etilgen Qırım sakinlerniñ qanunsız çağıruvını qayd etip, RF halqara aqnıñ bütün bozuluvlarnıñ toqtatılmasını beklegenini qoştı.
- Küz çağıruvı vaqtında işğal etilgen yarımadasınıñ territoriyasında daa eki biñ adamdan ziyadesini çağırmağa planlaştıralar.
- Qırımda işğalcılar balalarnıñ militarizatsiyasınen faal sürette oğraşmağa devam eteler. Rusiye bunıñ içün er yıl milliard ruble masraf ete.