Ukraina BMT-da Rusiye işğal etilgen Qırımdaki kosmos obyektlerni askeriyleştirgeni aqqında aytıp berdi
Ekin ayınıñ 22-nde BMT Baş Assmableyası komitetiniñ oturışında Ukrainanıñ missiyası, Rusiye NİP-16 işğalcilerniñ nezareti astına berip, işğal etilgen Qırımdaki arbiy olmağan kosmos obyektlerni askeriyleştirgeni aqqında aytıp berdi.
Bu aqta Ukrainanıñ missiyası Twitterde haber etti.
“Rusiye işğal altındaki Qırımda zapt etilgen arbiy olmağan kosmos obyektlerni askeriyleştire. NİP-16 Rusiye Mudafaa nazirliginiñ nezaretine berilüvi Qıırmda ve açıq kosmosta RF siyasetinde kosmos askeriyleştirilüvi artqanını köstere”, - qayd ettiler missiyada.
#Україна на 4Комітеті ГА #ООН: Росія мілітаризує цивільні космічні об’єкти, захоплені в окупованому #Крим’у. Передача НІП-16 біля Євпаторії під контроль російського Міноборони свідчить про посилення мілітаристського компоненту у політиці РФ як щодо Криму, так і відкритого космосу
— UKR Mission to UN (@UKRinUN) October 22, 2020
NİP-16 işğal etilgen Kezlevniñ civarında Vitino köyünde yerleşe. İşğalden soñ Rusiye bu merkezni öz qurumlarına qoştı.
Malümat olaraq
- Qara deñizde “Admiral Grigoryeviç” fregatnıñ iştirağı ile ögretüvler keçti. Bu ögretüvler çerçivesinde gemi “Qaya” kenar raketa kompleksınıñ ücümını yeñdi.
- Rusiye işğal etilgen Qırımda öz qanunsız areketlerini gizlemek içün suv mevzusını qullanıp onı ep kün tertibinde tuta.
- İşğal etilgen Qırımda Rusiye arbiy bazası tahminen 32,5 biñ askerdir. Arbiyler içün elbette suv kerek.
