Bu aqta Qırımnıñ işğalci başı Sergey Aksönov öz Facebook saifesinde haber etti. 

Qayd etile ki, 30-nıñ hastalıq alâmetleri yoq edi.  124 tibbiy yardım içün muracaat etkende qayd etildi, 87 daa evel qayd etilgen hastalarnen alâqada oldı, 1 Ukrainadan keldi.

Qırımnıñ işğalci Sağlıq saqlav nazirliginiñ bildirgeninen köre, ekin ayınıñ 21-nde Qırımda koronavirustan 2 adam elâk olğan, 111 - tedaviylengen.

Berilgen malümatqa köre,  ekimlerniñ nezareti astında bulunğanlarğa 256, daimiy nezaret astında olğanlarğa 185,  statsionarlarda olğanlarğa 81 kişi qoşulğan.

Soñki kün içinde ekimlerniñ nezareti astından 228 kişi, statsionarlardan 198,  daimiy nezaret astından 26 adam çıqarılğan.

Aqyarnıñ işğalci Sağlıq saqlav nazirliginiñ bildirgeninen köre, ekin ayınıñ 22-nde Aqyarda 55 yañı koronavirus hastası qayd etilgen. Hastalar 4-85 yaşında olğanlar, 44 kişi tedaviylendi. 

Bundan ğayrı 46 ve 81 yaşındaki eki erkek ölgen. Olarnıñ hronik hastalıqlarnen beraber ağır pnevmoniyası olğan.

Malümat olaraq

• Pandemiya başlağanından Qırımda 7 585 hastalandı, 4 132 tüzeldi ve 115 insan öldi.
• Aqyarda yılnıñ başından 1 798 insan yañı koronavirus yuqunçına oğradı, 1 192 tedaviylendi, 55 elâk oldı. 
• Pandemiya başlağanından Ukrainada 315 826  insan COVID-19-ğa oğradı, 131 219 tedaviylendi, 5 927 öldi.
• Ukrainada keçken künü 6 719  yañı koronavirus hastası qayd etildi.