Rusiye Ukrainadaki silâlı çatışma içün cevap berecek, - Büyük Britaniya elçisi
Ukrainadaki Büyük Britaniya elçisi Melinda Simmons, Ğarp memleketler Ukrainağa tek gumanitar degil, arbiy yardım etmege azır olğanlarını bildirdi. Rusiye ise Ukrainadaki silâlı çatışma içün cevap berecek, dep tenbiledi.
Bu aqta Simmons “İnterfak-Ukraina” agentligine ayttı.
“Eñ esası, Rusiye bu çatışmanı devam etkeni içün cevap berecegini añlay. Ve bulardan biri - sanktsiyalardır. Bu eñ açıq ve küçlü işaret”, - dedi o.
Onıñ aytqanına köre, ğarbiy memleketler de talimlerde iştirak etmege azır olğanlarını köstere. Ukrainada “Birleşken küçler -2020” ve “Kavkaz-2020” arbiy talimler aynı vaqıtta olıp keçken edi.
Bu, Ğarp memleketler Ukrainağa tek gumanitar degil, arbiy yardım etmege azır olğanlarını köstere ve olarnıñ arasında Büyük Britaniya da.
Malümat olaraq
- Avropa Birligi Şurası, Avropa şirketlerine Rusiye tarafından işğal etilgen Qırımğa yatırımlar yapmağa ve yarımadadan mallarnı ital etmege 2021 senegece yasaq etti.
- Ceviz ayınıñ 10-nda Avropa Birligi Qırımnıñ işğaline alâqası olğanlarğa qarşı sanktsiyalarnı uzattı.
- Avropa birligi ülkelerniñ elçileri Keriç köpürniñ quruvına dair Rusiyege qarşı sanktsiyalarnı qabul ettiler. Sınırlavlarnıñ ögünden körüvi resmiy şeklinde afta içinde resmiyleştirilecektir.