Bu aqta ekin ayınıñ 21-nde Ukraina TİN siyasiy diroktoratınıñ mahsus avalelerinden elçisi Larisa Gerasko Reintegratsiya ve Tış işler nazirligi beraberlikte teşkil etken “Qırımda Rusiye işğali altında suv teçhizatı meseleleri aqqında” konferentsiyada ayttı. 

Gaaga şartnamelerine köre, Rusiye işğalci devlet olaraq öz vatandaşlığını mecburiy tarzda qabul ettirip olamay. 

“Halqara uquq yasaq etken mecburiy sürip çıqaruvlar ola. Rusiye mahkemeleri Qırımdan biñge yaqın adamnıñ sürgün etilüvi aqqında qararlar çıqardı, olarnıñ arasında 600 Ukraina vatandaşı. Aynı böyle tarzda Qırım MC Rusiye öz ealisini yerleştirip halqara uquqnı boza. Halqara teşkilâtlarnıñ malümatına köre, 140 biñge yaqın rusiyeli Qırımğa köçti”, - dedi elçi.

Gerasko qayd etti ki, Ukraina RF tarafından insan aqlarınıñ bozuvlarını toqtatmaq içün halqara meydanlarnı qullanıp pek çoq ğayret ete. 

RF işğal etilgen Qırımda söz ve din serbestligi ni boza, adamlarnı hırsızlay, olarnı taqip ete, jurnalistlerniñ aqlarını boza, tınç toplaşuvlar keçirmege ruhset bermey, dep qayd ettiler. 

Ve bundan ğayrı tevqif etilgenlerniñ de aqları bozula - olarğa tibbiy yardım kösterilmey, olar Qırımdan Rusiyege etap etile, yaramay şaraitte tutula. 

Malümat olaraq

• Qırım işğal etilgenden berli 40-tan ziyade adam bellisiz ğayıp oldı, olarnıñ arasında ukraina tarafdarları ve qırımtatar faalleri ve jurnalistleri. Bundan ğayrı akimiyet "İyegovı şaatlarını" yasaq etti, musulmanlar taqip etile.
• BMT insan aqlarından Yuqarı komissarınıñ ofisi kiçik aynıñ 16 - oraq ayınıñ 31 tarihleri arasında işğal altındaki Qırım ve Aqyarda insan aqlarınıñ bozuvları aqqında maruzanı yayınladı.