Reintegratsiya nazirligi ne içün Qırım “ilhaq” degil, “işğal” etilgenini añlattı
Reintegratsiya nazirligi “ilhaq” etilgen Qırım Rusiye içün yahşı kelişe. Doğru ise - vaqıtnca işğal etilgen Qırım ve Aqyar şeeri, demek kerek.
Bu aqta ekin ayınıñ 21-ndeReintegratsiya meseleleri naziriniñ muavini İgor Yaremenko Reintegratsiya ve Tış işler nazirligi beraberlikte teşkil etken “Qırımda Rusiye işğali altında suv techizatı meseleleri aqqında” konferentsiyada ayttı.
“Qayd etmek isteyim ki, vaqıtnca işğal etilgen Qırım MC ilhaq etilgen degil. Rusiye ise biz buña alışıp bu ıstılanı qullanğanımıznı istey”, -dedi o.
Nazir muavininiñ fikrince, “ilhaq” ıstılası Qırım üzerinde Rusiye suvereniteti olğanını belgiley, demek RF halqara gumanitar uquqqa köre bu topraqta mecburiyetleri yoq.
“Boyle alda halqa gumanitar uquqı imayesi altında olğanlar bundan marum qala. Misal olaraq, tecavuzcı devletniñ ordusına celp etüv - halqara gumanitar uquqqa köre yasaq. Şimdi olayatkan mına bu episi cnayettir. Kelecekte RF bunıñ içün mesüliet çekecek”, - dedi Yaremenko.
Nazirlikniñ bildirgenine köre, “vaqtınca işğal etilgen topraq” demek doğrudır.
Malümat olaraq
- Kıyivde, media içün işğal köntekstinde Qırım problemleriniñ doğru aydınlatılması içün bir qullanma taqdim etildi.
- Ukraina prezidenti Volodımır Zelenskıy, Donbassta tınçlıq ve Qırımnı işğalden azat etüv onıñ esas prioritetleri olğanını bildirdi.
- Rusiye FTH hadimi Qırımdaki ukrain arbiylerini devlet hainligine qızıştıruvnen qabaatlana.
- ABD, Rusiye tarafından işğal etilgen Qırımnıñ askeriyleştirilüvi Ukrainadan ğayrı diger memleketlerniñ telükesizligi içün havflıdır.
