Bu aqta Reintegratsiya meseleleri naziriniñ muavini İgor Yaremenko Reintegratsiya ve Tış işler nazirligi beraberlikte teşkil etken “Qırımda Rusiye işğali altında suv techizatı meseleleri aqqında” konferentsiyada ayttı. 

“Qırım işğalden azat etilmegence  suv berilüvi imkânsızdır. Ve Rusiyeniñ ep artqan basqısına baqmadan bu mevamdan vazgeçmemelimiz”, - dedi nazir. 

Onıñ aytqanına köre, Rusiye suv mevzusını işğal etilgen yarımadada öz qanunsız areketlerini gizlemek ve mesülietni başqasına yüklemek içün qullana. 

RF ealini degil, öz arbiylerini suvnen temin etmege istey. 

“Qırımnıñ faal askeriyleştirilüvini köremiz: raketa, aviatsiya ve Qara deñiz flotunıñ qudretiniñ artmasını köremiz”, - dedi o. 

Malümat olaraq

• İşğalciler Qırımda suv yedeklerini quyular ve Salğır sayesinde tolduracaq olalar.
• Ukraina Tış işler naziri Dmıtro Kuleba, Qırımnıñ easlisi içün suv yeterlidir, sadece yarımadadaki arbiy bazalar ve ağır sanayı içün yetrli degil, dep bildirdi. 
• Rusiye tarafından qanunsız işğal etilgen Qırımda ealiniñ ihtiyaclarını temin etmek içün suv yeterlidir. 
• İşğalden evel Ukraina Şimal-Qırım beketi vastasınen adanıñ tatlı suvğa ihtiyacınıñ 85 faizini temin ete edi. İşğalden soñ ise yarımadağa suv teminatı toqtatıldı.