Rusiye FTH hadimi Qırımdaki ukrain arbiylerini devlet hainligine qızıştıruvnen qabaatlana
Baş prokurornıñ ofisi, Rusiye FTH fazifedar şahsına 2014 senesi kiçik-saban aylarında Qırım MC Aqmescitte bulunıp, FTH ve RF Silâ quvetleriniñ diger hadimlerinen kelişmede olaraq areket etip aselet Ukrainanıñ topraq bütünligine qast etüvnen qabaatlav bildirdi.
Bu aqta Baş prokurornıñ ofisi ekin ayınıñ 21-nde haber etti.
Qayd etile ki, bu FTH vazifedar şahsınıñ areketleri neticesinde yarımadanıñ işğali ile bağlı evelden azırlanğan plan yerine ketirildi.
Ukraina Baş prokurorı ofisisiniñ matbut hızmetiniñ bildirgenine köre, memur UDSH Azaq-Qara deñiz regional idaresiniñ ve Aqmescit sıñır müfrezesiniñ arbiylerini tehdid etip, Ukraina topraq bütünligine zarar ketirmege çağırğan.
“Arbiyler RF arbiylerine karşı turmamaq kerek edi ve Rusiye sıñır hızmetiniñ taarfına keçmek kerek ediler”, - yazıla malümatta.
Cinayet davası Ukraina Ceza qanunnamesiniñ 437 maddesiniñ çeşit qısımlarına binaen açıldı.
Al-azırda qabaatlığa qarşı cinayet taqibiniñ temin etilmesi içün tedbirlerniñ qullanuv meselesi al oluna.
Malümat olaraq
- 2014 senesi saban ayınıñ 16-nda Qırım MC qanunsız referendum olıp keçti.
- 2014 senesi saban ayınıñ 18-nde RF prezidenti Putin "Qırım Rusiyege qoşulğanını" ilân etti. Halqara teşkilâtlar, Qırımnıñ işğali qanunsız tanıp, Rusiyeniñ areketlerini takbih ettiler. Ğarp devletleri bir sıra iqtisadiy sanktsiya qoydı.
