İşğalciler Qırımda suv yedeklerini quyular ve Salğır sayesinde tolduracaq olalar
Rusiye ükümeti işğal etilgen Qırımda suv yedeklerini yañı quyular ve Aqmescitt içinden aqqan Salğır özeniniñ arıtıluvı sayesinde tollduracaq ola.
Bu aqta Rusiye ükümetinin saytında yayınlanğan vesiqada yazıla.
Vesiqağa köre, yañı yerastı yataqlar ve Salğır suvunıñ Mejgornoye suv anbarına yiberilmesi künde 130 biñ metr kub temin etecek.
“Qırım Cumhuriyeti ve Aqyarda içme yerastı suvlarınıñ yañı yataqlarını meydanğa çıqaruv maqsadınen yerastınıñ geologik ögrenilüvi - 70 biñ metr kub. Salğır özeninden Mejgorye suv anbarına aqtaruv - 60 biñ metr kub”, - yazıla vesiqada.
Bunı 2021-2022 seneleri devamında yapacaq olalar.
Episi olıp 14 tedbir közde tutula. Buña 48 milliard ruble masraf etilecek. Künde 310 biñ metr kub beklenile.
Daa planlaştırıla:
- 2024 senesinece Qara özen suv anbarından Aqyardaki suv ağına suv borularını çekmek;
- 2024 senesinece Aqmescitke Beşterek-Zuya suv borusını çekmek;
- 2020 senesi devamında Kadiköy ocağından suv aqtarmaq;
- Belbek özeninde suv qorasını qurmaq;
- 2022 senesinece deñiz suvunı tatlılaştırmaq içün inşaatlar qurmaq;
- 2024 senesinece Aqyarda “Cenübiy” kanalizatsiya temizlev inşaatlarnıñ leyhasını azırlamaq ve qurmaq.
Malümat olaraq
- Qırımda suv qıtlığı meselesini al etmek içün işğalciler 5- milliard ruble ayıracaq.
- İşğalcilerniñ bildirgenine köre, qara qış ayınıñ soñunace Aqmescitke yañı suv anbarlarından suv kelip başlaycaq.
- İşğal etilgen Qarasuvbazar, Aluşta, Partenit, Küçük Farosında, Aqmescit, Bağçasaray ve Aqmescit rayonlarında suv berilüviniñ sıñırlamalarnı kirseteler.
- RF ükümeti işğal etilgen Qırımnı suvnen temin etmek içün 4,95 milliard ruble ayırılması aqqında ferman imzaladı.