Koronavirus işğal etilgen yarımadada faal sürette tarqala: Covid-19 163 yañı vaqiası

Присяжнюк Владислава
·
11:00, 14 Ekimay
Koronavirus işğal etilgen yarımadada faal sürette tarqala: Covid-19 163 yañı vaqiası
Foto menbası: Суспільне Крим

Aqmescitten soñ Aluşta ve Kezlevde hastalarnıñ sayısı tez arttı. Orta küz aynıñ 13 künü içinde işğal etilgen Qırımnıñ territoriyasında koronavirusnıñ 163 yañı vaqiası resmiyleştirilgen.

Bunı Qırımnıñ işğal başı Sergey Aksönov öz Facebook saifesinde bildire

“Olardan 128 tibbiy yardımına muracatında belli etildi, 35-evelden resmiyleştirilgen vaqialar boyunca alâqalılar arasında”,-denile beyanatta.

COVID-19 tarqalmasından saqlanuv meselesi boyunca operativ ştabnıñ oturışında Qırım ve Aqyar boyunca Rusiye istimal nezaretiniñ regional idaresiniñ işğal başı Natalya Penkovskaya yarımadadaki zor vaziyeti aqqında tarif etti.

"Aqmescitniñ vazmeti eñ zor. Keçken aftanen qıyaslasaq, vaqialarnıñ artması- 53. Aluştada hastalanuvnıñ ciddiy artması başlandı. Bugünki künü, Aluşta, hastalıq köstergiçlerler boyunca Aqmescitnen yeksan oldı. Keçken aftanen qıyaslasaq, hastalıqnıñ artması-eki kereden yüksek. Kezlevdeki hastalarnıñ sayısı 1,8 kerege artqan",-haber etti o.

Hastalıqnıñ bir qaç kerege artuvı Keriç, Bağçasaray, Canköy ve Kirov rayonlarında qayd etilgen. 

"Bugünki künü istiqrar ve artmasını tasvirlengen epilemik ceryanı yarımada territoriyasında infektsiyasınıñ tarqalmasını tasdıqlay",-qayd etti Penkovskaya. 

Belli olğanı

  • Şimdiki vaqıtta işğal etilgen Qırımda yañı koronavirus infektsiyasınıñ 6331 vaqiası qayd etilgen. Olardan 107 çetelden ketirilgen, 128 vaqiası RFdan ketirilip olarnen bağı ile qayd etilgenler, 5227 vaqiası tibbiy yardımına muracaat vaqtında, 869-sağ şahıslarnıñ ameliyathane skriningi vaqtında.