İstinafnı körmemezlikke urıp Suleymanov siyasiy mabusnıñ tevqifini devam ettiler

Присяжнюк Владислава
·
17:49, 13 Ekimay
  İstinafnı körmemezlikke urıp Suleymanov siyasiy mabusnıñ tevqifini devam ettiler
Foto menbası: Pixabay

Soçi şeerniñ umumiy yurisdiktsiyasınıñ üçünci isntinaf makemesi ekinci aqmescit “Hizb ut-Tahrir davasınıñ” figurantı Eskender Suleymanovğa tevqifiniñ devam etilmesine mudafaa tarafınıñ istinaf şikâyetini baqıp ilk instantsiyasıdaki makeme qararını deñişmesiz qaldırğan.

Bunı Qırım birdemligi haber ete. 

“Eskender Suleymanov aytqanı kibi, o siyasiy mabusıdır ve, halqara gumanitar aqqına binayen, oña 4-ci Jeneva konventsâsınıñ qullanuvını talap ete. Bu deliller mennen de istinaf şikâyetinde ketirilgen ediler”,-haber etti advokat Rustem Kâmilev.

 

Oturış vaqtında, advokat, Aqmescitten videokonferentsiyası ile iştirak etip, ilk instantsiyasıdaki makemesi amillerniñ çoqusını diqqatqa almağanını qayd etti.

Onıñ sözlerine köre, qabaatlanğannıñ sağlıq meseleleri bar, ayrıca, mide hastalığınen Aqmescit taqiqat tevqifhanedeki ekimlerine muracaat etken edi, lâkin onıñ ricaları körmemezlikke urulğan ediler.

Belli olğanı

  • Cenübiy arbiy bölük makemesi Riza ve Enver Ömerovlar ve Ayder Cepparovğa kelecek yılnıñ qara qış aynıñ 15 kününe qadar tevqif cezasını devam etti.
  • Krasnogvardeysk “Hizb ut-Tahrir davasınıñ” makeme oturışında rusiye makemesi FTH eki tahqiqatçı Sergey Mahnev ve Mihail Lopırövnı sorğuğa çekti.
  • Antaliyada “Hizb ut-Tahrir” teşkilâtınıñ iştirağında qabaatlavında 14 insannı mahküm ettiler.