Ukraina Ombudsmeniniñ temsilcisi NATO elçisinen qırımtatarlarnıñ basqılarğa oğratıluvını muzakere etti

Глянько Катерина
·
18:50, 25 Cevizay
Ukraina Ombudsmeniniñ temsilcisi NATO elçisinen qırımtatarlarnıñ basqılarğa oğratıluvını muzakere etti
Foto menbası: Уповноважений Верховної Ради України з прав людини

Qırımda Ukaraina Ombudsmeniniñ temsilcisi İrina Verigina ceviz ayınıñ 25-nde Ukrainadaki NATO elçisi Aleksandr Vinnikov ve Qırımtatar Milliy Meclis temsilcilerinen Herson vilâyetinde qırımtatarlarnıñ işğalciler tarafından basqılarğa oğratıluvını muzakere etti.

Bu aqta Verigina öz Facebook saifesinde haber etti. 

Qırımnı işğal etip Rusiye 1907 senesi Gaaga şartnamesini, 1949 senesi Jeneva şartnamesini, Ukrainanıñ telükesizligini kefalet etken Memorandumnı bozdı. 

Veriga qayd etti ki, Ukraina Yuqarı Radasınıñ insan aqları vekâletlisi işğal etilgen Qırımda insan aqlarınıñ bozuluvını nezaret astında tuta ve halqara aq-uquq qoruyıcı  teşkilâtlarnı “Ukraina vatandaşlarınıñ basqığa oğratılmasını” toqtatmaq içün Rusiyege tazyıqını quvetleştirmege çağıra. 

Malümat olaraq

  • Ukraina Ombudsmeniniñ ofisinde, Qırım ve Herson arasında memuriy sıñırda tamir işler keçirilgenine baqmadan “Çaplınka” kiriş-çıqış yoqlav keçitinde vatandaşlarnıñ aqları ile bağlı fena bir vaziyet bar dep bildirdiler. “Qalançaq” ve “Çonğar” yoqlav keçitlerinde ise vaziyet bayağı eyilleşti. 
  • Ukraina Yuqarı Radasınıñ insan aqları vekâletlisi bildirgenine köre Rusiye esirliginde 113-115 Ukraina vatandaşı tutula, olarnıñ arasında 86 qırımtatar.