Bu malümatnı “RİA Novosti Qırım” agentligine Kefe tibbiyet merkezi ve mektep müdiri tasdıqladı.

Qayd etilgenine köre, balanıñ işi işğalci Rospotrebnadzorğa berilgen. 

“Hasta ceviz ayınıñ 21-nde keldi. Alı orta qarar ağır.  Aqcigerniñ suniy avalandırıluvına bağlı degil”, - aytıp berdiler sağlıq saqlav bölüginde. 

Mektep müdiri Nataliya Levina bildirgenine köre metkepniñ 760 talebesi ve 45 ocası uzaqtan oquycaqlar. Episi ekimler tarafından baqıla. 

“Uzaqtan oquv ne qadar devam etecegi belli degil. Amma mına böyle oquycaqmız, endi tecribemiz bar. Öz-özüni etraf müitinden ayırıp tutqan ocalar da çalışa”, - dedi müdir. 

Talebelerniñ ana-babaları bildirgenine köre ise, oğlannıñ sınıfdaşlarından ekimler talil almağanlar. Bundan ğayrı olarğa uzaqtan oquv ise eki afta devam etecek dep aytqanlar. 

Malümat olaraq

• İşğal etilgen Qırımda koronavirus sebebinden 46 sınıf uzaqtan oquycaq. Eñ çoq ocalar hasta, dep qayd etile. 
• Ukrainadan işğal etilgen Qırımğa kelgenler arasında tek 13 faiziniñ koronavirus malümatnamesi bar, qalğanları kerekli malümatnameni yarımadada ala. 
• Turistlerniñ ve Qırım sakinlerniñ çoqusı maska rejimine riayet etmey. Soravda iştirak etkenlernin 95 faizi maska kiymegenini ayttılar.