Qırım MC Milliy polisi, Qırımda ekstremistik arketlerge açıq çağıruvlar içün ukrainni yaqalağan Rusiye quvetçilerine qarşı dava açtı | Yañartılğan
Muhtariyetniñ prokuraturası yolbaşçılığı altında Qırım MC polisi işğal etilgen yaramadada 22 yaşında Odesa sakininiñ qanunsız tutulması faktı ile bağlı cinayet davasını açtı.
Bu aqta Qırım MC Prokuraturası haber etti.
Haber etilgenine köre, Ukraina vatandaşı ceviz aynıñ başında Qırımğa raatlanmaq içün kelgen, ceviz ayınıñ 22-nde ise Kezlevde işğalciler tarafından yaqalanılğan. O, Qırımda sanki ekstremistik arketlerge açıq çağıruvlar yapqan.
İşğalciler erkekni Aqmescitke ketirgen, anda Kıyiv rayon mahkemesi onı tevqif etti.
Ukrain 10 yıl apis cezasına mahküm etile bile.
“Qırım. Aqiqat” bildirgenine köre, tutulğan ukrainniñ adı - Oleksandr Doljenko. O, geolog, Meçnikov adına Odesa milliy universitetiniñ mezunı. Oğlarnnıñ YouTube-kanalı bar, anda o, Ukraina ve Avropa boyunca seyaatları aqqında videolar yükley. Onıñ 185 abunecisi bar.
İşğalcilerge köre, Doljenkov Qırımğa bölgedeki içtimaiy-siyasiy vaziyetni bozmaq içün kelgen.
O, yarımadada “Rusiye topraq bütünligni bozmağa” çağıruvlarnen bildirmeler tarqatqan.
“2020 senesi ceviz ayında ukrain Qırımnıñ şeerlerinde Rusiye topraq bütünligni bozmağa çağıruvlarnen bildirmeler tarqattı, bundan soñ ceviz ayınıñ 19 onı FTH hadimleri tuttı”, - yazıla FTH bildirmesinde.
Şimdi ukrain №1 Aqmescit tahqiqat tevqifhanesinde tutula.
Malümat olaraq
- Qırım MC ve Aqyar şeerniñ Prokuraturası makemege, Aqyar şeer şurasınıñ VI çağurıv “deputatına” dair Ukraina CK köre 111 m. 1 q. boyunca (devlet hainligi) qabaatlayıcı aktnı yollağan. O, 12 yıldan 15 yılğa qadar azatlıqtan marum etilüv telükededir.
- Ceviz ayınıñ 14 Qırım MC ve Aqyar şeerinde Milliy polisniñ baş idaresi "Qırım samooboronası" qanunsıh silâlı müfrezeniñ iştirakçisi Sergey Pogorodnıyğa şübe bildirdi.
