Bazarertesi künü Qırımnıñ ukrainler ülke şurasınıñ faaliyeti yañartılğanı aqqında ilân etilecek 

Глянько Катерина
·
14:12, 25 Cevizay
Bazarertesi künü Qırımnıñ ukrainler ülke şurasınıñ faaliyeti yañartılğanı aqqında ilân etilecek 
Foto menbası: Youtube/Голос Криму

Ceviz ayınıñ 28, bazarertesi künü Kıyivde Qırımnıñ ukrain cemiyeti temsilcileri Qırımnıñ ukrainler ülke şurasınıñ faaliyeti yañartılğanı aqqında ilân etecekler. 

Bu aqta “Ukrinform” agentligi haber etti. Tedbir agentlikniñ matbuat merkezinde saat 11:00 keçirilecek. 

Teşkilâtçılarnıñ haber etkenine köre, işğal etilgen Qırımdaki ukrain cemiyeti, Rusiyeniñ siyaseti sayesinde eñ çoq diksriminatsiyağa oğratılğan etnik azlıqqa çevirildi. 

“İşğalci devlet tarafından diskriminatsiyağa oğratılıp zulum çekken Qırımdaki ukrain cemiyetiniñ aqlarını qorumaq maqsadınen Qırımnıñ ukrainler ülke şurasınıñ faaliyetini yañartmağa qarar alındı”, - yazıla bildirmede. 

Konferentsiya iştirakçileri arasında: Tavriya gumanitar platformanıñ koordinatorı Andriy İvanets, “Ukrain evi” azası, “Krımska svitlıtsâ” gezetniñ baş muarriri Andriy Şçekun, “Evromaydan-Qırım” cemaat teşkilâtınıñ başı Sergiy Mokrenük.