Bu aqta işğal etilgen Yaltanıñ şeer başı İvan İmgrunt Facebook saifesinde haber etti.

“Ürmetli Yalta sakinleri, M. Zagortsevnıñ iştiragi ile yerleştirilgen video materiallarınıñ teşkerüvi neticesinde, Yalta şeer başınıñ muavini M.G. Zagortsev Belarus muhalefetine qoltutqanı içün vazifesinden çıqarmağa qarar alındı”, - yazıla bildirmede. 

Malümat olaraq

• M. Zagortsev Yalta şeer başınıñ muavini vazifesine ceviz ayınıñ 22-sinde tayin etildi. Yañı muavinni taqdim etip, İmgrunt, “Zagortsevniñ tecribesi sayesinde ögünde qoyulğan bütün vazifelerni muvafaqiyetli becerip olacağına” inanğanını ayttı. 
• Belaruste narazılıq bildirgenler qaba şekilde dağıtılğan soñ, Zagortsev video yazıp, bu areketllerni tenqit etti.