Ukrainadan işğal etilgen Qırımğa kelgenler arasında tek 13 faiziniñ koronavirus malümatnamesi bar, - Rospotrebnadzor
17:20, 24 Cevizay
Foto menbası: УНІАН
Ukrainadan işğal etilgen Qırımğa kelgenler arasında tek 13 faiziniñ koronavirus malümatnamesi bar, qalğanları kerekli malümatnameni yarımadada ala.
Bu aqta cevi zayınıñ 23-nde Rospotrebnadzornıñ reberi Natalya Penkovskaya haber etti. Buña ait videonı Sergey Aksönov Facebookta yerleştirdi.
“Ukraina sıñırnı açqan soñ, sıñırdan keçkenlerniñ sayısı 250-den 750-800-ge arttı. Soñki künleri bu raqamlar azlaştı. Aynı zamanda sıñırdan keçkenlerniñ tek 13 faizi koronavirus malüsatnamesinen”, - dedi Penkovskaya.
Laborator neticeleri “korporativ portalğa” yerleştirile. Vaqıtnda test bermegenler aqqında malümat İİN berile.
“Test bermegenlerni memuriy mesülietke çekemiz. Bugünde endi 69 protokol tizilgen”, - dedi o.
Malümat olaraq
- Turistlerniñ ve Qırım sakinlerniñ çoqusı maska rejimine riayet etmey. Soravda iştirak etkenlernin 95 faizi maska kiymegenini ayttılar.
- Ceviz ayınıñ 21-de işğal etilgen Aqyarda poliklinka ve statsionarlarnıñ hadimlerine koronavirustan bir rus test “vaktsina”sı inelendi. İlk nevbette ekimler, çünki olar telüke altındalar.
