"Memorial" aq-uquq qoruyıcı merkez daa dört qırımtatarnı siyasiy mabüs dep tanıdı

Глянько Катерина
·
15:11, 24 Cevizay
Foto menbası: Слово і діло

“Memorial” Rusiye aq-uquq merkezi daa dört qırımtatarnı siyasiy mabüs dep tanıdı -  Eldar Kantimirov, Ruslan Mesutov, Ruslan Nagayev ve Lenur Halilov. 

Bu aqta merkezniñ saytında haber etile

"Musulmanlar vicdan, din kütme ve birlik aqqını zorbalıqsız yerine ketirgeni içün azatlıqtan marum etildi. Olarnıñ acele azat etilmesini talap etemiz", – dep aytıla haberde

Rusiye Tış işler nazirliginiñ vekili Mariya Zaharova ceviz ayınıñ 23-nde Rusiye mahkemesiniñ Bağçasaraydaki "Hizb ut-Tahrir davasınıñ" mabüslerine qarşı çıqarğan qabaatlayıcı ükümlerine Avropa Birligi bergen cevabını izaatlap, mabüslerni "terrorist" dep adlandırdı

"Bu teşkilâtnıñ iştirakçileri isbatlanğan terror cinayetleri içün farqlı cezalar aldı. Olarnıñ siyasiy baqışları, millet mensüpligi ve etnik gruppalarğa ait olması mahkeme qararına iç bir alâqası yoq, Brüsselde bunı aytacaq olalar. Ğarp otraqlarımıznıñ terroristlerni yaramay ve yahşı soylarına ya da bir qarar olğanlarğa bölmek telükeli ıntıluvlarını ilk sefer körmeymiz. Terror ücümleriniñ deşetini bilgen AB sakinleri böyle ıntıluvlarnıñ facialı aqibetlerini bile", – dep bildirdi Zaharova.

Malümat olaraq

  • Ruslan Nagayev ve Eldar Kantimirov Aluştada, Ruslan Mesutov Büyük Lambatta (Malıy Mayak), "Aluşta" yerli din cemiyetiniñ yolbaşçısı Lenur Halilov Körbek (İzobilnoye) köyünde tutuldı. Dava mabüsleri al-azırda Rostov-na-Donu şeeriniñ №1 tahqiqat izolâtorında buluna, cinaiy dava ise mahkeme tahqiqatında qala.
  • Siyasiy mabusı Eldar Kantimirov, yoqlama vaqtında namaz qılğanı içün cevap bermegeni sebebinden  kartserge 15 künge yerleştirilgen edi. Advokatnıñ sözlerine köre, makemelengenlerniñ diniy alâmetleri içün basqığa oğratılğanlarnıñ nevbetteki misalidir. 
  • Bu sene kiraz ayında "Memorial" Qırımdaki "Hizb ut-Tahrir davalarınıñ" mabüsleri Ayder Capparov, Riza Ömerov, Enver Ömerov, Enver Seytosmanov, Akramjon Abdullayev ve Nematjon İsroilovnı siyasiy mabüs dep tanıdı.
  • Rostov-na-Donudaki Cenübiy arbiy makemesi ilk küz aynıñ 16, “Hizb ut-Tahrir davasınıñ” ekinci bağçasaray gruppasınıñ 8 figurantına üküm çıqarğan. Er kesni, birinden ğayrı,  apis cezasınıñ uzun müddetine mahküm ettiler. Ernes Alimovnı qabaatsız qabul etip davanı qapatqanlar.