Bu aqta Qırımnıñ işğalci başı Sergey Aksönov öz Facebook saifesinde haber etti. 

29-ı tibbiy yardım içün muracaat etkende qayd etildi, 34-ü daa evel qayd etilgen hastalarnen alâqada oldı, 17-si sağlam insanlarnıñ skriningi neticesinde qayd etildi, 1 kişi Ukrainadan keldi.

Aqyarda ceviz ayınıñ 24 sabasına 23 yañı COVID-19 hastası qayd etildi, dep bildire şeerniñ Rusiye ükümeti. Akimiyetniñ malümatına köre, hastalar 13 yaşından 92 yaşına qadar insanlar, 21-i yerli sakin ve 2 kişi kelgenlerden. 

Malümat olaraq

• Umumen Qırımda, yerli akimiyet malümatına köre, 4053 yañı koronavirus hastası qayd etildi, 97-si çetelden keldi, 124-ü qomşu Rusiyeden kelgenler ve olarnen alâqada olğanlar, 3156 hasta tibbiy yardım içün muracaat etkende ve laboratoriyada tasdıqlanğan hastalarnen alâqada olğanı içün qayd etildi, 676-sı sağlam insanlarnıñ laborator skriningi neticesinde belli oldı. 2561 insan tüzeldi.
• Yılnıñ başından Aqyarda 888 insan yañı koronavirus yuqunçına oğradı.
• Statsionarlarda 234 kişi buluna, 583 kişi yahşı oldı, 25 insan vefat etti.