BMT Rusiyeni tecavuzcı kibi tanısa, Ukrainağa yardım etip olur, - BMT Ukraina elçisi
10:35, 24 Cevizay
Foto menbası: РБК-Украина
BMT Baş Assmableyası Rusiyeni tecavuzcı kibi tanısa, bu, hususan BMT çerçivesinde ve mahkemelerde Rusiyeni mesüliyetke çekmek içün Ukrainanıñ areketlerine yardım etecek.
Bu aqta BMT Ukrainanıñ daimiy temsilcisi Sergiy Kıslıtsâ “Qırım.Aqiqat”qa ayttı.
“Memleket tecavuzcı olğanını aytmaq içün, Baş Assambleyanıñ razılığına ihtiyacımız yoq. Bunıñ içün halqara uquqnı oqumaq kerek. Halqara uquqqa köre RF istesin, istemesin o tecavuzcı. Rusiye çatışma tarafı olğanını dünyada er kes bile”, - dedi o.
Malümat olaraq
- Ukraina prezidenti Volodımır Zelenskıy, BMT Baş Assambleyasınıñ 75-nci sessiyasınıñ umumiy muzakerelerindeki bir çıqış vaqtında, Qırımnıñ işğalden azat etilmesi içün bir platforma yaratmağa ve yarımadadaki insan aqları ile bağlı yañartılğan qararnı desteklemege çağırdı.
- BMT insan aqlarından Yuqarı komissarınıñ ofisi kiçik aynıñ 16 - oraq ayınıñ 31 tarihleri arasında işğal altındaki Qırım ve Aqyarda insan aqlarınıñ bozuvları aqqında maruzanı yayınladı.
- Rusiye özüni işğalci bir devlet kibi tanımalı ve halqara uquqqa köre işğal altındaki Qırımğa suv berilüvi mevzusında muzakereler başlamaq içün resmiy muracaat etmeli.
