Bunı idaresiniñ matbuat hızmeti Telegramda ilk küz aynıñ 17 haber etti.

Böylece, muhtariyet prokuraturası Qırım Cemhuriyet ve Aqyar ş. boyunca Rusiye FTH İdaresiniñ qanunsız tarzda teşkil etilgen  tahqiqiy bölük başına şübe aqqında bildirdi. 

Cinaiy dava çerçivesinde, Qırımda Ukraina vatandaşlarnıñ qanusız taqip etüvine dair işğalcı qanun qoruyıcı organlardaki başqa hadimlerniñ alâqalı olğanları aqqanda deliller toplanıla. 

“"Hіzb ut-Tahrіr" davası, işğalcı devlet, qırımlarnıñ diniy alâmetlerine köre siyasetni amelge keçirip  cinaiy adliye tertibatnı siyasiy maqsatlarda qullanğannıñ misali ola”,-denile beyanatta. 

Prokuraturada qayd etkenleri kibi, nevbetteki basqı dalğasınıñ maqsadı- Qırım tamır halq vekillerni terroristler kibi kösterip, söz, din ve körüşlerniñ ifade etüv serbestligini yoq etmek içün yarımada ealini qorqutıp, olarnı itibardan tüşürmesidir. 

Şimdi, QMC Prokuraturası Ukraina CK köre 162 m. q., 146 m. 2 q., 146 m. 1 q. boyunca cinaiy davasında usul idaresini amelge keçire. 

Böylece, Ukraina CK 146 m. 1 q. boyunca (Azatlıqtan qanusız sürette marum etüvi ya da insannıñ qırsızlavı) üç yılğa qadar ya da aynı müddetine azatlıqtan marum etüvinen cezalandırıla.

Ukraina CK 146 m. 2 q. binayen eki ya da daa çoq şahısqa dair yapılğan aynı arketler; ya da  şahıs gruppasınen evelden añlaşuvı, ya da zarar körgeniniñ sağlıq ya da ayat içün telükeli olğan usulı ile, yoqsa oña dair beden çekişüvlerniñ yapmasınen refaqat etilgen, silânıñ qullanuvı ile ya da uzun vaqıt devamında etilgen areketler beş yılğa ya da aynı müddetine azatlıqtan marum etüvinen cezalandırılalar. 

Ukraina 162 m. 2 q. binayen (Mesken tiyilmemezliginiñ bozuluvı) hızmetkâr şahısnen tintüvniñ qanunsız ötkerilüvi ekiden beş yılğa qadar müddetinen azatlıqtan marum etüvinen cezalandırıla.

Belli olğanı

• Rostov-na-Donudaki Cenübiy arbiy makemesi ilk küz aynıñ 16, “Hizb ut-Tahrir davasınıñ” ekinci bağçasaray gruppasınıñ 8 figurantına üküm çıqarğan. Er kesni, birinden ğayrı,  apis cezasınıñ uzun müddetine mahküm ettiler. Ernes Alimovnı qabaatsız qabul etip davanı qapatqanlar. 
• Qırım MC Ukraina prezident vekilligi, "Hіzb ut-Tahrіr davasınıñ" ekinci bağçasaray gruppasına, Rostov-na-Donudaki Cenübiy arbiy bölük makemesinen çıqarılğan ükümni “arbiy cinayeti” olaraq dep saya.
• Ukraina Tışqı işler nazir muavini Emine Ceppar Rusiyenen Ukrainağa “ruhiy izler” misallerniñ birini ketirgen- “terrorizmge qarşı küreş”.
• Kanadadaki ukrainler kongressi (KUK) qırımtatarlarnıñ qanunsız sistemalı taqip etüvlerni, ayrıca "Hіzb ut-Tahrіr" ekinci bağçasaray gruppasınıñ davasında yedi Ukraina vatandaşınıñ mahküm etüvini qatiyen takbih etip, halqara cemiyetini mesülietli rusiye vazifedarlarğa qarşı sanktsiyalarnı kirsetip qarşılıq köstermege talap ete.
•  Bütünleşüv nazirligi, Rusiyede qanunsız sürette alıp tutlğan qırımtatarlarğa qarşı siyasiy olğan ükümlarnı çıqarğan şahıslarğa qarşı halqara sanktsiyalarnıñ kirsetilmesine irişecek. 
• Ukraina tışqı işler nazirligi qırımtatarlarnıñ qanunsız sistemalı taqip etüvlerni, ayrıca "Hіzb ut-Tahrіr" ekinci bağçasaray gruppasınıñ davasında yedi Ukraina vatandaşınıñ mahküm etüvini qatiyen takbih etti.