Bunı TİN haber etti. 

“Rusiye Federatsiyası makeme qararını lâğu etip Marlen Asanov, Memet Belâlov, Server Zekіryayev, Tіmur Іbragіmov, Server Mustafayev, Seyran Salіev ve Edem Smailovnı ve onen, qanunsız sürette tutulğan bütün Ukraina vatandaşını acele sürette azat etilmeli”,- denile TİN-niñ tefsirinde.

İdare bildirgeni kibi, makemeden evel olğan tahqiqat ve makeme ceryanı çoq sayılı usullarnıñ bozuluvı ile, suçlağan areketlerine dair qabaatlanılğnlarnıñ alâqalı olmağanları aqqında mudafaa tarafınen berilgen isbatlarnıñ körmemezlikke uruv şaraitlerinde olıp keçe ediler. 

“Bu hor etici ceryannıñ soñki noqtası” bugünki ükümi olğanı qayd etile. 

“Terroristik faaliyetinde aydın-açıq uydurılğan qaatlavlar içün apis etüvniñ deşetli müddetler, işğalcı devlet vaqtınca işğal etilgen Qırım yarımadasında terrorizmge qarşı qanunnı, sistemalı siyasiy basqılar ve diniy diskriminatsiyası içün qullanmasınıñ aydın-açıq misali ola”,-qayd ettiler TİNde.

Beyanatta daa şusı denile ki, sahte ceryanı vaqtında ukrain vatndaşlarnıñ öz aq ve suçsızlığınıñ imaye etilmesinde cesaret ve qabaatsızlığı ayrı diqqatqa lâyıq.

Bundan da ğayrı, TİN, işğalcı devletniñ qararına ve ukrain vatandaşlarğa dair areketlerine bütün olumlı usullarnen qarşılıq köstermege talabınen halqara cemiyetine muracaat etken. 

Belli olğanı

• Rostov-na-Donudaki Cenübiy arbiy makemesi ilk küz aynıñ 16, “Hizb ut-Tahrir davasınıñ” ekinci bağçasaray gruppasınıñ 8 figurantına üküm çıqarğan. Er kesni, birinden ğayrı,  apis cezasınıñ uzun müddetine mahküm ettiler. Ernes Alimovnı qabaatsız qabul etip davanı qapatqanlar. 
• “Qırımtatarlar musulmanlar olıp, tarih içinde iç bir zaman terroristler olmağan ediler. Dinimiz, halqımıznıñ idrağında tolerantlıdır. Onıñ içün, Qırımda musulamnlarğa qarşı Rusiyeniñ küreşi olğanından başqa olarnıñ iç bir çaresi olmağan edi.Rusiyeniñ basqına baqmadan, qırımtatarlarnıñ tirenüvi bitmeycek”,-qayd etti Çiygoz. 
• “İşğalcılar Ukraina vatandaşlardan terroristlerni yapmağa isteyler. Avropa ve Ğarpta bu işler yahşı ceetten qabul etilmegenini bilip, Rusiye terrorizmni qayd etmege istey”,-ilân etti Ukraina “Golos” halq deputatı Rustem Ümerov.