Ukraina Qırımnı nasıl ğayip etkeni aqqında. TDB-da öz rivayetni adladılar

Глянько Катерина
·
17:13, 16 Cevizay
Ukraina Qırımnı nasıl ğayip etkeni aqqında. TDB-da öz rivayetni adladılar
Foto menbası: Крим Реалії

Tahqiqlarnıñ devlet bürosı makemeden evel olğan taqiqnıñ neticelerine köre, 2014 senesi kiçik aynıñ 20-den evel başlanılğan Qırımnıñ işğali ve silâlı quvetlerniñ dağıtıluvnıñ aqiqiy sebepler ve şartlarnı tayin etti. 

Bunı Suspilne haber ete

İdarede haber etilgeni kibi, Ukraina Silâlı quvetlerniñ Baş ştabınıñ sabıq başı Vladimir Zamannıñ devlet hainligine dair makemeden evel tahqiqatı bitken. O, sabıq prezidenti Viktor Yanukoviç ve eki sabıq mudafaa  naziri  Dmitriy Salamantin ve Pavel Lebedevnen beraber 2012 seneden başlap 2014 senege qadar mudafaa qabiliyet, suverenitet, territorial bütünligi ve devletniñ toqunmamazlığını yıqqanlar. 

Tahqiqatçılar, neticede Qırımnıñ işğaline ketirgen cinayet etüviniñ 5 esas levhanı ayırılğanlar:

1. USQ-niñ qısqartuvı

Ordu miqdarını artmaq kerek olğan bloktan tış statusına qaytuvına baqmadan, 2012-2013 seneler içinde ordu miqdarı 240 biñ arbiy hızmetçiden 162 biñge azlaşqanı idarede qayd etilgen edi. 

2. Azırlıq mobilizatsiyası alnıñ patlatuvı 

TDB-da qayd ettiler ki, 2013 senesi arbiy komissarlıqnıñ ştat sayısından yarısı qısqartılğan edi. Netice olaraq, arbiy bölükler tek 25-55% tekmillengen ediler. 

“Em de, arbiy bölüklerine mobilizatsiya resurslarnıñ “arfiy” qoşıp yazması qapatılıp arbiy tehnikasınıñ esabı yoq etilgen edi”,-haber ettiler idarede. 

3. Qırım avağa qarşı mudafaa tertibatnıñ yoq etüvi

TDB-nıñ malümatına köre, Qırım AQM tertibatnıñ idaresi  yarımadadaki Ukraina DAQ-niñ komandanlığına alıp berilgen edi, ileride o duşman tarafına keçken.  ZRK-niñ eki brigadadan biri (S-300V) qısqartılğan edi ve ZRK S-125 ve S-200V yañartuv programmları toqtatılğan ediler. 

4. Qanunsız teşkiliy deñişüvler ve strategik mudafaa vesiqalarnıñ nivelirlevi 

Tahqiq devlet bürosında, 2013 senesi USQ keçirilgen kütleviy teşkiliy deñişüvler qanunlarğa uymayıp ülkeniñ strategik mudafaa vesiqalarına kirsetmegen ediler dep qayd etile. O ise, USQge tışqı tecavuz stsenariylerdeki birisiniñ amelge keçirilüvi vaqtında ileri gruppasını teşkil etip Ukraina territorial bütünligini qorumağa keder etken. 

5. Tışqı telükelerge cevap berilmesine dair tedbirlerniñ amelge keçirilmemesi

TDB qayd etti ki, 2013-2014 seneleri RF tarafından ücüm etici ameliyatnıñ azırlıqnı tasdıqlağan istihbaratnıñ çoq sayılı beyan etüvlerine baqmadan, USQ cenk azırlıqnıñ yüksek derecesine ketirüvinen bağlı iç bir tedbir amelge keçirilmegen.

İdarede, qayd etilgen areketler öz toplulıqta öz arasında bağlı olıp RFnen Qırım MC ve AQyar şeerniñ territoriyasına kirüvine ve ileride olarnıñ işğaline ketirgenler dep yekün çıqarılğan. 

Belli olğanı

  • 2014 senesi, fevral aynıñ 26, Qırımda kütleviy tarzda rusiye arbiyleri peyda ola. Olar özüni “eşil adamçıqlar” dep adlaylar, RF resmiy akimiyeti yarımadanı işğal etkenini inkâr etti. Fevral aynıñ 27-sine, gece vaqtında olar Qırımnıñ memuriy binalarnı, Belbek ava limanını zapt etip parom keçitni qapattılar, yarımadanıñ Ukrainanıñ başqa territoriyasınen bağnı kestiler. Kelecek aftalar devamında  rusiyeler ukrain arbiy bölüklerni muasara ettiler.