Bunı, insan aqları boyunca Ukraina Yuqarı şurasınıñ vekili Lüdmila Denisova haber etti. 

Makeme kollegiyası Ernes Ametovnı suçsız qabul etip makeme zalında azat etti, qalğanlarına ise qattı tertipli koloniyasında apis cezasınıñ müddetlerni tayin etken:

• Marlen Asanovğa  makeme-  qattı tertipniñ 19 yılnı tayin etti
• Memet Belâlovğa - 18 yıl ve sıñırlavnıñ bir buçuq yıl
• Timur Іbragіmovğa - 17 yıl ve sıñırlavnıñ bir buçuq yıl

Olarnı qabaatlavı islam fırqasınıñ aracılıq teşkilâtçıları olaraq qabul ete (RF Cinaiy qanunnamesiniñ 205.5 maddesiniñ 1 qısmı).

• Server Zekіryayevge - 13 yıl
• Server Mustafayevge - 14 yıl ve sıñırlavnıñ bir yıl
• Seyran Salіevge - 16 yıl ve sıñırlavnıñ bir yıl
• Edem Smaіlovğa - 13 yıl ve sıñırlavnıñ bir yıl

Olarnı qabaatlav tarafı Hіzb ut-Tahrіr aracılığınıñ iştiraqçıları kibi qabul ete (aynı maddesiniñ 2 qısmı).

Sıñırlavlar dep, işğal etilgen Qırımnıñ sıñırından çıqmasına yasağını, tedbirlerniñ ziyaret etüvini ve politsiyadaki resmiyleştirüvi içün kelmesini közde tutalar. Olarnıñ quveti ceza müddetiniñ bitüvinden soñ alına. 

Belli olğanı

• Cenübiy bölük arbiy makemesinde, 2020 senesi arman aynıñ 26, “Hizb ut-Tahrir davasınıñ” ekinci bağçasaray gruppasınıñ azırlıq oturışı olıp keçken, arman aynıñ 31 künü ise prokuror Yevgeniy Kölpikov rusiye makemesini cinaiy iş figurantlarına qattı tertipli koloniyada apis etüvniñ uzun müddetlerni (15 yıldan 21 yılğa qadar) tayin etmege talap etti.
• 2017 senesi, orta küz aynıñ 11, işğal etilgen Bağyaasarayda işğal FTH “hadimleri” altı qırım tatarı- Timur Іbragіmov, Marlen (Suleyman) Asanov, Memet Belâlov, Seyran Salіev, Server Zekіryayev ve Ernes Ametovnı yaqaladılar.
• Bir yıl soñra, 2018 senesi, mayıs aynıñ 21 künü işğalcılar aynı bu cinaiy iş çeçivesinde öz evlerinde Edem Smailov ve Server Mustafayevni yaqalap tevqif ettiler. 
• Yaqalanğanlarnıñ episi Kiyev rayon makemesiniñ qararı ile tevqif etilip tahminen 3 yıl devamında taqiqat tevqihanesinde bulunmaqtalar.