Bunıñ aqqında İçtimaiy Qırımnıñ canlı yayısında “Hizb ut-Tahrir davasınıñ” ekinci bağçasaray gruppasınıñ advokatı Emil Kürbetdinov tarif etti.

“Qabaatlav arbiy prokuraturasınen talap etilgen qarar ve müddetleri, ya o,  qattı tertipli koloniyada 15 yıldan 20 yılğa qadar müddetler olacağını tüşenip bekleyim. Biz bunda eminmiz, ameliyattır, qırımtatarlarğa dair munasebeti boyunca siyasiy taraftan esaslanğan bütün davalarnıñ qabaatlav enişi. Üküm öyle olacağı dep belleyim”,-ilân etti Kürbetdinov.

Qayd etkeni kibi, mudafaa tarafını tek qabaatsız dep tanığan ükümi memnün eter. Başqa bir ükümine advokat, halqara basamaqlarına muracaat etip şikâyet etecek. 

Belli olğanı

• İlk küz aynıñ 16, Çarşenbe künü, saat 15:00, rusiye Rostov-na-Donudaki makemesinde “Hizb ut-Tahrir davasınıñ” ekinci bağçasaray gruppasınıñ figurantlarına üküm çıqarılacaq.
• Cenübiy bölük arbiy makemesinde, 2020 senesi arman aynıñ 26, “Hizb ut-Tahrir davasınıñ” ekinci bağçasaray gruppasınıñ azırlıq oturışı olıp keçken, arman aynıñ 31 künü ise prokuror Yevgeniy Kölpikov rusiye makemesini cinaiy iş figurantlarına qattı tertipli koloniyada apis etüvniñ uzun müddetlerni (15 yıldan 21 yılğa qadar) tayin etmege talap etti.
• 2017 senesi, orta küz aynıñ 11, işğal etilgen Bağyaasarayda işğal FTH “hadimleri” altı qırım tatarı- Timur Іbragіmov, Marlen (Suleyman) Asanov, Memet Belâlov, Seyran Salіev, Server Zekіryayev ve Ernes Ametovnı yaqaladılar.
• Bir yıl soñra, 2018 senesi, mayıs aynıñ 21 künü işğalcılar aynı bu cinaiy iş çeçivesinde öz evlerinde Edem Smailov ve Server Mustafayevni yaqalap tevqif ettiler. 
• Yaqalanğanlarnıñ episi Kiyev rayon makemesiniñ qararı ile tevqif etilip tahminen 3 yıl devamında taqiqat tevqihanesinde bulunmaqtalar.