Zelenskiy, ilk küz aynıñ 15 Viyanada Avstriya prezidenti Aleksandr Van der Belennen umumiy brifingde, Rusiye prezidenti Vladimir Putinnen onıñ munasebetleri nasıl sualine böyle dep cevaplandı, bildirdi “İnterfaks-Ukraina” haber agentligi. 

“Afsus ki, biz bu sözni (“munasebetler”-Muarr.) coydıq. Ve, Rusiye Qırımnı qanunsız sürette zapt etken ve Ukrainanıñ Şarqında cenkni başlatqan soñ, ülkelerimiz arasında bu sözniñ manasını da coydıq”,-qayd etti o. 

Prezident hatırlattı ki, evelden ukrainler ve ruslar bir birine “qardaşlar” dey ediler, ve ülkeler arasında munasebetleri güzel edi.

“Bugun ise elâq olğanlarnıñ sayısı-14 biñ, bugün ise- bizim mustaqil devletimizniñ eki territoriyası yoq. Onıñ içün, “aramızda” nedir añlatqan sözni daa tapıp olamadım”,- kayd etti o. 

Bunen beraber Zelenskiy, Ukraina ve RF idaresi muzakereni başlap, onıñ ile tınç tertibine kelip, Ukraina öz 140 vatandaşını qaytarıp oldı dep qayd etti. 

“Menimce, muzakeresiniñ başlanuvı budır. “Munasebetler” aqqında aytacaq olsaq, maña köre, bu hususında laf yürsetmek pek erte”,- qoştı o. 

Belli olğanı

• Ukraina prezidenti Vladimir Zelenskiy, Qırım ve Donbass meselesinde Aqrusiyeniñ aracılığına dair neticelerge kelmekten evel ülkedeki vaziyeti stabilleşkenini beklemek kerek olğanını aqılğa yatqanı dep tüşüne.