Meclis, Qırımnıñ deokupatsiyasına qol tutqan qırımlılarnı saylavlarda iştiraq etmege çağıra
Qırımtatar halq Meclisi, Qırım ve Aqyarnen beraber, halqara tarafından qabul etilgen sıñırlarnıñ çerçivesinde Ukrainanıñ suverenitetini ve territorial bütünligi oğrunda küreşken Ukraina siyasiy fırqalarnıñ saylav cedvelerinde resmiyleştirilgen qırımtatar deputat namzetlerni alğışlaycaq. Bundan da ğayrı, Meclis, Ukrainanıñ qıtaiy qısmında yaşağan qırımtatar saylayıcılarnen toplaşuv ve körüşüvlerniñ ötkerilmesine imkân yaratacaq.
Bunı Meclis başı Refat Çubarov öz Facebookda haber etti.
“Qırımtatar halq Meclisi bütün vatandaş ve, Ukrainanıñ qıtaiy qısmında yaşağan Kırımdan köçüp kelmege mecbur olğanlarına 2020 senesi, orta küz aynıñ 25 yerli saylavlarnıñ azurlanuv ve ötkerilmesinde faal iştiraq etmesine çağıruvınen muracaat etken”,-denile arizada.
Belli olğanı
- 2020 senesi, orta küz aynıñ 25, vaqtınca işğal etilgen Qırım Muhtar Cemhuriyet, Aqyar şeer ve Donetsk ve Lugansk vilâyetteki ayrı rayonlarnı saymayıp Ukrainanıñ bütün territoriyasında, yerli şuralar deputatlarnıñ ve köy, qasaba, şeer başlarnıñ nevbetteki saylavlar ötkerilecekler.
- Ameldeki ukrain qanunlarına binayen, Qırım MC Yuqarı Şuradaki vilâyet, rayon, şeer, köy, qasaba şuralar (10 biñ ve ziyade saylayıcılarnıñ miqdarınen territorial cemiyetler) deputat namzetleri etip köstermege aqqı saylayıcılarnen, Ukraina Saylav kodeksine köre sırasında siyasiy fırqalarnıñ yerli teşkilâtları ile amelge keçirile.
