Oturıştaki videonı Qırım “başı” öz Facebook saifesinde yayınlağan. 

“Koronavirus sebebinden iç bir yañı qaide, nizamnamesi ve rejimi kirrsetilmeycek. Amma iş hanelerniñ işletüvinen bağlı areket etken er rejimi-o, riayet  etüvi içün mecburiy qanunlar olğanını er kes aqlında tuta”,-dep ilân etti Aksönov. 

Bunen beraber, onıñ sözlerine köre, karantin içün mektep, başqa ve biznes saaları qapatılmaycaqlar. 

“Mektepler uzaqtan oquvına keçmeycekler. Bir sınıfta mesele peyda olsa, o zaman kerekli tedbirlerni amelge keçirecekmiz”,-qayd etti Qırım “başı”.

Daa, onıñ aytqanına köre, aftada bir kere, er Çarşenbe künü, saat 09:00 koronavirus infektsiyasınen mucadelesi boyunca yekün çeküvi içün Qırım “operativ ştabnıñ” oturışı keçecek. 

Belli olğanı

• İlk küz aynıñ 14 içinde Qırım Cemhuriyet territoriyasında koronavirus infektsiyasınıñ 40 vaqiası qayd etilgen. Olardan 13 tibbiy yardımına muracatında belli etildi, 9-evelden resmiyleştirilgen vaqialar boyunca alâqalılar arasında, 18-sağ ealisiniñ skriningi vaqtında.
• Şimdiki müddetine qadar işğal etilgen yarımadasında yañı koronavirus infektsiyasınıñ 3 341 vaqiası resmiyleştirilgen. Olardan 94 çetelden ketirilgen, 124 RF ketirilip olarnen bağ boyunca belli etildi, 2 503 tibbiy yardımına muracaatında ve laboratoriyanen tasdıqlanılğan neticelernen şahıslarnen bağ ile,620- sağ şahıslarnıñ laboratoriyalı skriningi vaqtında. 
•  Bütün müddet içinde 2 133 insan oñalğan, 42-keçingen.