Bunıñ aqqında qırımtatar halqnıñ Meclis azası, Qırımtatar Resurs Merkeziniñ başı Eskender Bariyev öz Facebook saifesindr bildirgen. 

“Bugün sabada em qırımtatar halqı, em Ukraina ve dünyadaki tamır halqları içün tarihiy ameliyatını başladıq”, - qayd etti o. 

Tafsilâtlıca oquñız: Ukrainanıñ tamır halqları öz saqlanuvı ve inkişafına dair aqiqkiy siyasiy, uquqiy ve iqtisadiy kefaletlerni almaq kerekler - Çubarov

Vesiqalar paketini Ukraina tamır halqnıñ temsil etici organınıñ uquqiy statusı ve “Ukraina tamır halqlar aqqında” UQ pekitüv intizamına köre etnosiyaset ve vicdan serbestligi boyunca Ukraina Devlet hızmetine alıp bergenler. 

“32 yıl içinde Qırımtatar halqnıñ Meclisi, niayet qırımtatar halknıñ temsil etici organı olaraq Ukrainanıñ uquqiy saasında olacaq!”, - qayd etti Bariyev. 

Ümüt etkeni kibi, neticeni endi yaqın vaqıtta alacaqlar. 

Menba: facebook.com/eskender.bariiev

Belli olğanı

• Ukraina prezidenti Vladimir Zelenskiy ilân etkeni kibi, qırımtatar halqnıñ Meclisinen beraber Qırım, qırım siyasiy mabuslar ve Qırımdaki başqa insanlarımıznıñ meselesini şimdi yañı halqara seviyesine çıqaralar. 
• Prezident Vladimir Zelenskiy, vaqtınca işğal etilgen Qırım Muhtar Cumhuriyeti ve Aqyar şeeriniñ deokupatsiya ve reintegratsiya meseleleri boyunca mesleat şurasınıñ şahsiy terkibini tayin etken. 

​Bizni Telegram'da oquñız