Bunıñ aqqında Jurnalist tahqiqatlar merkezi bildire. 

Qayd etilgeni kibi, Çornobukqa dair davası, Kiyevdeki Peçersk rayon makemesinde pek aqrın diñlenile. Uvut aynıñ 24 soñ davanıñ baqıluvı devam etilecekmi belli olmağan edi. 

“Jurnalist tahkiqatlar merkeziniñ malümatına köre, Valeriy Çornobuknıñ qabaatlavı boyunca cinaiy davasınıñ baquvı, o, Ukraina Silâlı Quvetlerniñ sırasına kirgeni içün toqtatılğan edi. amma makeme sicilinde makemeniñ uyğun qararını körmedik, talabımız ise - cevabını almağan”, - denile beyanatta. 

dneprdeki jurnalisti ve cemaat erbabı İvan Krasikov, Dneprdeki Amur-Nijnednepr komplektatsiya rayon merkezinde Çornobuknıñ hızmeti aqqında daa eki ay evel haber etken edi. 

“Vilâyet memuriyeti, arbiy qısımlarınen bağlı ve reberlik seviyesinde olğan menbalarım Valeriy Çornobuk efendi, Amur-Nijnednepr komplektatsiya ve içtimaiy destek territorial merkezinde hızmet etkenini aytqan”, - dedi o JTM tefsirinde. 

Qayd etilgeni kibi, Çornobuknıñ advokatı Konstantin gritsişen, onıñ imayesi astında olğanınıñ arbiy komitetinden hızmeti aqqında malümatnı ne tasdıq, ne de red etken.  

Qırım MC ve Aqyar şeeriniñ prokuraturasında 16 mayıs keçken makeme oturışında imaye tarafı, qabaatlanılğanınıñ arbiy hızmetine çağıruvı sebebinden makeme qararınıñ toqtatuvı aqqında şefaatını bildirgen. 

“Peçersk makemesi, bu şefaatını memnün etken, baquv toqtatılğan. O, mobilizatsiya etilgeni aqqında Komplektatsiya merkezinden uyğun malümat kâğıtı edi, amma imaye tarafı, iç bir tafsilâtnı bermegen edi”, - tarif etti Qırım MC prokuraturasınıñ matbuat kâtibi Katerina Didenko. 

2018 senesi qasım aynıñ 5 Valeriy Çornobuk, devlet hainliginde şübesi içün eki ayğa ilk sefer tevqif etilgen edi. Qırımnıñ işğal vaqtına qadar o, QMC İstinaf makemesini idare etken edi. 2014 senesi saban ayında KHV’na intervyüsinde Çornobuk, RF qanuniyetine qırım makemelerniñ keçüvine imkân yaratqanını tarif etken edi. Rusiye Anayasasınıñ qaideleri aqqında qırım makemecilerine oquğan dersi video ile qayd etilgen edi.

27 mayıs devlet hainliginde qabaatlanılğan Valeriy Çornobuk, Dneprdeki komplektatsiya merkezinde uquqçı olaraq hızmet etkenini anda tasdıq etmegenler. 

29 mayısqa qadar Muhtariyet prokuraturası, Qırımdaki İstinaf makemesiniñ sabıq başına dair makeme qararınıñ toqtatuvı aqqında uyğun qararına istinaf şikâyetinen Kiyev istinaf makemesine muracaat etken. Bunıñ aqqında Suspilne Qırımğa tefsirinde Qırım MC prokuraturasınıñ matbuat kâtibi Katerina Didenko aytqan. 

Bizni Telegram'da oquñız