Qırımdaki işğalcılar yıl içinde “RF ordusınıñ diskreditatsiyası” içün 350 protokolnı tizdiler - uquq qoruyıcılar
Büyük miqyaslı rusiye ücüminiñ başlanuvından beri 15 ay içinde Qırımnıñ işğal akimiyeti, “RF SQ diskreditatsiyası” ve ukrain tarafdarlığını köstergen mevamı içün 350 protokolnı tizgen. Yarımadadaki sakinlerniñ mahküm etüv müddetleri tahminen er kün bir insan ola.
Bunıñ aqqında “Qırım ceryanı” uquq qoruyıcı teşkilâtı bildirdi.
Soñki vaqıt içinde yarımadada “rusiye ordusınıñ diskreditatsiyası” memuriy bozuluvı aqqında rusiye kodeksiniñ 20.3.3 maddesine köre qırımlılarnıñ taqip etüvlerniñ miqdarı bir buçuqtan ziyadesine artqan.
Böyleliknen, qışta Qırımnıñ 65 sakini bu maddesine oğrağan, baar içinde ise - “uquq qoruyıcılar” 103 protokolnı tizgenler, olardan 16 - daa baqılmağan, bir qırımlını aqladılar, bir davanı yahşı etip işletüvine qaytardılar, 85 soyunı ise - qabaatlı dep tanığanlar.
“Bu maddeniñ qullanuv talili, taqip etüvlerniñ büyük miqdarı, içtimaiy ağlarda aynı ukrain tarafdarlığını köstergen yazılarını paylaşqan şahıslarına ait. Bunen beraber uquq qoruyıcılar Instagram’da sarı-mavı manikürnen vışıvankada ya da Ukraina haritası şeklinde tatu fotoresimlerniñ paylaşuvı kibi “diskreditatsiyasınıñ” şübeli şekillerni qayd eteler”, - denile beyanatta.
Bundan da ğayrı, “makemeler” “diskreditatsiyalı ifade etüvlerni” tasdıq etmek içün tilşınaslıq teşkerüvlerni iç bir sefer tayin etmegenler ve çoqusınen bu davalarda qararlarnı gizleyler - memuriy qanun bozuluvı aqqında açıq tarzda tek 40% taqdim etilgen, makeme baquvınıñ vaqıt ve yerini 62% alda onıñ keçirüvinden soñ büyük keç qaluvınen yerleştireler.
Aynı zamanda bu maddesi boyunca makemecilerniñ 70% devlet hainliginde qabaatlavları boyunca Ukrainada qıdıruvda qayd etilgen ya da Jeneva konventsiyasınen yasaq etilgeni kibi, Ukrainanıñ işğal etilgen territoriyasında makemeciliginen oğraşqan Rusiyeden makemecileri ola.
“Rusiye CK 20.3.3 maddesiniñ yarımadanıñ işğal etilgen territoriyasında qullanuvı, qanun bozuluvlarnıñ profilaktikasınıñ degil, arttıralğan ukrain keyfiyetlerniñ yoq etüv aleti olıp qala”, - qayd ettiler uquq qoruyıcılar.
Belli olğanı
- 24 mayıs Qırımdaki işğalcılar qırımtatar milliy areketiniñ veteranı ve uquq qoruyıcısı Abureşit Cepparovğa qarşı “rusiye ordusınıñ diskreditatsiyası” ve “malüsat serbsetliginiñ fazla qullanuvı” aqqında maddeleri boyunca memuriy bozuluvları aqqında daa eki davasını açtılar.
- Çiçek ayında Qırımda işğal quvetçiler “RF ordusınıñ diskreditatsiyası” içün yarımadağa sanki dersin pensiyanıñ açıluvı içün kelgen ukrainli Dmitriy Orlovnı tutıp aldılar.
- 2023 senesi saban ayına qadar işğal makemeler 2022 senesi saban ayından beri Qırımda “RF ordusınıñ diskreditatsiyası” aqqında davalarnı eñ azdan 284 kere baqqanlar.
Bizni Telegram'da oquñız