Eñ azdan 38 qfrım siyasiy mabusınıñ sağlıq alı al etici ola - QırımSOS

Любезна Катерина
·
12:03, 26 Quralay
Eñ azdan 38 qfrım siyasiy mabusınıñ sağlıq alı al etici ola - QırımSOS
Foto menbası: freepik

İşğal etilgen Qırımda al etici hastalıqlarnen ya da saqatlı olğan 38 siyasiy mabusı qayd etilgen. Olarnıñ çoqusı - yaş insanlardır. 

Bunıñ aqqında QırımSOS uquq qoruyıcı teşkilâtı bildire

“Cezahanelerde bulunuvnıñ insansız şaraitleri Qırımda siyasiy sebeplerden taqip etüvlerniñ qurbanları arasında sürekli hastalıqlarnıñ kerginleşüviniñ sebepleri olalar. Bar olğan malümatına köre, Qırımda siyasiy sebeplerden taqip etüvlerniñ eñ azdan 38 qurbannıñ sağlığınıñ al etici meseleleri bar. Olardan 30 - 50 yaşından insanlar ve pensionerleridir”, - qayd etti teşkilât talilcisi Yevgeniy Yaroşenko. 

Bundan da ğayrı, tevqiften evel sağ olğan qırımlılarnıñ da sağlıq meseleleri bar edi, çünki taqiqat tevqifhanesinde tibbiy yardımı yoq, kameralar top-tolu, binalarnıñ deşetli sanitar vaziyeti, mabuslarnı azapqa oğratalar. Siyasiy mabuslar ölüm telükesi astıdalar, ayrıca bu yıl cezahanelerde qırım siyasiy mabusları Konstantin Şıring ve Cemil Gafarov can bergenler. 

QırımSOS idaresiniñ başı Aleksey Tkaçenko bildirgeni kibi, tibbiy yardımınıñ bermemesi, bu meselege diqqatnıñ celp etilmesi içün açlıqnen refaqat etile. 

“Açlıq - siyasiy sebeplerden başlanılğan taqip etüvlerniñ, ayrıca - Qırımda qurbanlarınen yaşağan cinayetlerine diqqatnıñ celp etilmesi içün aqiqaten yekâne mehanizmidir”, - qayd etti o. 

Belli olğanı

  • Vlasihadaki arbiy istinaf makemesi, “Hizb ut-Tahrir davasında” Qarasuvbazar taqımınıñ 60 yaşında olğan yürek hastalığınen figurantı Azamat Eyupovnıñ ükümine istinaf şikâyetini red etip onı amelde qaldırğan. Keçken yıl onı  qattı nizamlı koloniyasında 17 yılğa azatlıqtan marum etkenler. Onıñ aileniñ paraları ile şahsiy hastanede teşkerüv keçirilgen edi. Anda ise - taqiqat tevqifhanesinde onıñ dört işemik insultı olğanını qabul ettiler, daa siyasiy mabus, kritik alda bulunıp hastanege acele yatqızdıruvında muhtac olğanını da qabul ettiler. 

Bizni Telegram'da oquñız