Cinayet vaqtı o vaqıt videoközetüvi ile qayd etilgen. Onı “DBH” hadimleriniñ iş urbasında insanlar maşnağa oturttıp Bağçasaray suv anbarınıñ tarafına orman yolağından alıp ketirdiler. Hırsızlav aqiqatı boyunca işğal uquq qoruyıcıları RF CK 126 m. 1 q. boyunca cinaiy davasını açqanlar. 

2014 senesi İbragimovnı “Mustafa Cemilevniñ davası” boyunca işğal milisi sorğuğa çekken edi ve o vaqıttan beri o, qabaatlav şaiti olaraq qayd etilgen edi. 2020 senesi yazda bu davası boyunca ceryanı başlağanda, “devlet qabaatlavı”, ğayip olğanını 2016 senesi şaitlik yapılması içün “makemege” çağırğan. Bu sebepten “makeme”, Qırım boyunca RF Tahqiqiy komitetteki tahqiqiy  baş işğal idaresine talabını yollay edi. 

2021 senesi “Mustafa Cemilevniñ davası” boyunca Armânsktaki işğal makemesiniñ makeme oturışı vaqtında “makeme”, daa 2020 senesi ilk qış ayında idare alınğan cevabını ilân etken, oña köre, İbragimovnıñ hırsızlavı aqqında davası, Qırım boyunca RF MK baş tahqiqiy komitetinde bulunmaqta edi, amma 2017 senesi ilk küz ayından beri bu davada qabaatlavlarnı alıp çıqarılmaq kerek olğan şahısı tayin etilmegenine köre, dava toqtatılğan. 

Qırım uquq qoruyıcı gruppasınıñ fikirine köre, hırsızlav, rusiye akimiyeti ya da olarğa tabi olğan paramilitar taqımları ile yapılğan edi.

​Bizni Telegram'da oquñız