Bunıñ aqqında Qırım MC’de Ukraina prezidentiniñ vekili Tamila Taşeva, Avropaparlamentinde “Qırımtatarlar 2022 senesi uvut ayından soñ” serlevalı konferentsiyası vaqtında bildirdi. 

Onıñ sözlerine köre, tedbir, qırımtatar halqnıñ sürgünlik qurbanlarına ve işğal etilgen yarımadada taqip etüvlerniñ yañı dalğasına bağışlanğan.

“2014 senesinden soñ Ukrainağa rusiyelilerniñ ücümi ve Qırım yarımadasınıñ işğalinden ve devletimizniñ territoriyasına Rusiyeniñ büyük miqyaslı ücüminden soñ işğal memuriyetleriniñ tarafından yapılğan cinayetler tamır halqı - qırımtatarlarına qarşı nasıl yapılğanını köremiz. Şimdi işğalcılar 181 siyasiy mabusını tutalar, olardan 117, menim büyük dostım Server Mustafayev ve Qırım Platformasında iştirağından soñ tutıp alınğan qırımtatar halqnıñ Meclisiniñ baş muavini Nariman Celâl kibi - qırımtatarı ola”, - tarif etti Taşeva.

Tafsilâtlıca oquñız: Podolâk, Qırımnıñ işğalden yekâne ratsional serbest etüv usulını aytqan

Daa şunı qayd etti ki, bugünki kününe qadar Ukraina, qırımtatarlarnıñ imayesine ve yarımadasınıñ reintegratsiyasına dair planını işlep çıqara. 

“Ukraina qırımtatarlar, karaimler ve krımçaqlarnı Ukrainanıñ tamır halqı olaraq tanığan. Biz şimdi qırımtatar halqnıñ statusını bir tertipke ketirebilgen qanunlarnıñ işlep çıqarılması üzerinde çalışamız. Şimdi ise - Ukraina prezidentiniñ avalesine köre, Qırım yarımadasınıñ reintegratsiyasınen alâqalı olğan ilk nevbetteki adımları üzerinde çalışamız”, - qayd etti vekil. 

Daa qayd etkeni kibi, esas maqsadı - yarımadanıñ azat etüvinden soñ onıñ territoriyasını yañartacaq olğan taqımınıñ teşkil etilmesidir.

“O, halq ögünde akimiyet organlarında ve uquq qoruyıcı organlarında çalışacaq olğan kadrlar olacaq. Bu ceryanğa yerli eali ve tamır qırımtatar halqnıñ vekilleriniñ celp etilmesi pek müim”, - dedi Taşeva. 

Tafsilâtlıca oquñız: Qırımnıñ deokupatsiyasından soñ kolaboratsionizm aqqında maddesine 200 biñ şahıs oğraybile - Taşeva

Bundan da ğayrı, Qırım MC’de Ukraina prezidentiniñ vekili, işğal etilgen yarımadasınıñ territoriyasında kolaboratsionizm aqqında meselesini qaçıncı sefer qayd etken. 

“Ârımadanıñ territoriyası, 9 yıl işğal astında olğanını añlaymız ve elbet de, Qırımdaki yaşayışı devam etile edi ve insanlarnıñ ayrı qısmı, işğal memuriyetine çalışmağa ketken. Esas yanaşmammız şusı ki, Ukraina ve ukrain vatandaşlarına qarşı eñ ağır cinayetlerde kerçekten de qabaatlı olğan, işğal memuriyetlerde reberlik vazifelerinde bulunğan, antına hainlik yapqan ve uquq qoruyıcı ya da makeme organlarında çalışqan insanlar mesülietligini çekerler. Qısmı, yarımada territoriyasında lüstratsiyağa oğraycaqlar. Başqalarına qasevet etmege sebebi yoq. Yaqın vaqıtta Qırım yarımadasınıñ territoriyası üzerinde nezaretini qaytarıp olacağımız ve vatandaşlarımız bu maqsadınıñ kerçekleştirilmesinde Ukrainağa qol tutacaqlarına ümüt besleymiz”, - qayd etti Taşeva. 

Bizni Telegram'da oquñız