Rusiye makemesi, qırım siyasiy mabusı Ernest Seytosmanovnı 18 yılğa azatlıqtan marum etüvine mahküm etken

Любезна Катерина
·
12:50, 24 Quralay
Rusiye makemesi, qırım siyasiy mabusı Ernest Seytosmanovnı 18 yılğa azatlıqtan marum etüvine mahküm etken
Foto menbası: facebook.com/crimeansolidarity

Çarşenye künü, 24 mayıs, Rostov-na-Donudaki Cenübiy priy bölge makemesi, "Hizb ut-Tahrir davasında" üçünci Aqmescitteki gruppasınıñ figurantı Ernest Seytosmanovnı qattı nizamlı koloniyasında 18 yılğa azatlıqtan marum etüvine mahküm etken. 

Bunıñ aqqında "Qırım birdemligi" bildire

18 yıldan Seytosmanov, ilk 4 yılnı apishanede, qalğan 14 yılnı ise - qattı nizamlı koloniyasında keçirecek, bundan da ğayrı, 1,5 yıl içinde azat etüvinden soñ sıñırlamalar. 

Onı RF’da yasaq etilgen, amma Ukrainada ve dünyanıñ başqa ülkelerinde serbest tarzda çalışqan islam siyasiy Hizb ut-Tahrir fırqasınıñ faaliyetiniñ teşkil etilmesi içün mahküm ettiler. 

"Terrorizm - vyrıca zor olğan bir maddesidir. İslamda o cinayeti olıp qatiyen mahküm etile. Men ise - musulman olaraq terrorizmge qarşı çıqam ve maña yazdırılğan maddesini uydurılması olğanını dep sayam. “Terrorizm” sözüniñ manasına dair - qorqutuvı ola. Maña dair bütün bu davanı baqsaq - birevni qorqutqanım iç bir vaqia olmağan edi, cemiyet ve insanlarğa iç bir zararını ketirmedim”, - bildirdi Ernest Seytosmanov makemede soñki sözünen bulunaraq. 

İmaye tarafı, ükümnı şikâyet etmege planlaştıra. 

"Şübesiz, imaye tarafınıñ bu ükümni istanaf makemesinde şikâyet etmege niyeti bar. Kerek olsa, rusiye makeme sisteması ve başqalarnıñ çerçivelerinde şikâyet etmege fırsatı olğan bütün yuqarı basamaqlarında", - tarif etti advokat Aleksey Ladin Suspilne Qırımğa.

Menba: facebook.com/crimeansolidarity

Evelden devlet qabaatlayıcı Vladislav Küznetsov, 37 yaşında olğan qırımtatarı içün qattı nizamlı koloniyasında 18 yılğa azatlıqtan marum etüvini istegen. 

İşğal etilgen Qırımdan Rostov-na-Donudağa ükümniñ ilân etilmesine faaller, siyasiy mabusınıñ dostları ve soy-sopları kelgen. 

“Basqılar dairesi süre. Ernest ve başqa balalarnı bu makemelerde adaletsiz tarzda mahküm eteler”, - qayd etti Canköy rayonından kelgen Abdulaziz Aciumerov. 

Menba: facebook.com/crimeansolidarity

Menba: crimean-solidarity.org

Belli olğanı 

  • 2022 senesi uvut aynıñ 9 qırımtatarlarnıñ evlerinde kütleviy tintüvler sebebinden Ansar Osmanov, Amethan Abdulvaapov, Marlen Mustafayev ve Ernest Seytosmanov tutıp alınğan
  • Kelecek künü olarnı eki ayğa tevqif ettiler
  • Keççe Seytosmanovnı RF CK 205.5 m. 1 q. köre (RF qanunlarına köre terroristik kibi sayılğan teşkilâtınıñ faaliyetiniñ teşkil etilmesi) tevqif ettiler. 
  • Advokat Aleksey Ladin, tahqiqat tevqifhanesinde siyasiy mabusınıñ sürekli hastalıqları kerginleşkenleri ve mide ağırlıqları peyda olğanı aqqında bildirgen edi. Tibbiyet sanitar bölüginde cezahanede yoq olğan ilâclarnı yazdılar. Diagnoznı tayin etmegenler. 
  • 2023 senesi çiçek aynıñ 12 prokuror, Ernest Seytosmanovğa 18 yılğa azatlıqtan marum etüvini istegen. 
  • Rostov-na-Donudaki Cenübiy arbiy bölge makemesi, 2019 senesi ilk qış aynıñ 5 Ernestniñ ağası - Enver Seytosmanovğa üküm çıqarğan. Onı bir yılğa azatlıqtan sıñırlamasınen qattı nizamlı koloniyasında 17 yılğa mahküm ettiler
  • Çiçek ayında Arbiy istinaf makemesi, “Hizb ut-Tahrir davasınıñ” figurantı Enver Seytosmanovğa qattı nizamlı koloniyasında 17 yılğa ükümni deñiştirmegen

Bizni Telegram'da oquñız