Uyğun petitsiyası, Kiyev şeer şurasınıñ saytında yayınlandırılğan. 

Onıñ müellifi, Afanasyevniñ tuvğanlarınıñ teşebbüsı ile ukrain aktrisası İrma Vitovska olğan. O, kiyev deputatlarnı Darnitsa rayonında Konstantin Zaslonov soqağını Gennadiy Afanasyevniñ soqağına adlamasını desteklemege teklif ete. 

Kiyev şurası, Zaslonov soqağını RF ve onıñ ittifaqdaşlarınen bağlı olğan soyunı kibi tanıy. Onıñ yañıdan adlanılması lâzim. Konstantin Zaslonov, Rusiye ve Aqrusiyede yaşap çalışqan İİHK hadimi edi, buna köre, Ukrainağa iç bir alâqası yoq. 

“Bunıñ yerine Gennadiy Afanasyev, 2014 senesi Qırımda rusiye işğaline cemaat tirenüviniñ faali edi. FTH’nen tutıp alınğan edi ve öz ukrain tarafdarlıq mevamı içün 767 kün rusiye esirinde bulunğan edi. Serbest etilgen soñ 2016 senesi Kiyevde yaşağan edi. Kremlniñ ukrain mabuslarınıñ serbest etüvi oğrunda faal küreşine qoşulğan - çoqusı halqara tedbirlerniñ iştirakçısı, sergiler ve hayriyet auktsionlarnıñ teşebbüsçısı, “Tüşüvinden soñ köterilmek” tevqif ve esir aqqında hatıralar kitabınıñ müellifi. Esir etilgenlerniñ azat etüv meseleleri boyunca Ukraina TİN mahsus vekiliniñ vazifesini alğan edi”, - qayd etti petitsiyanıñ müellifi.

Tafsilâtlıca oquñız: Onıñ serbest etüvi nafile olmağanında ukrainlerni isbatlandırmağa istey edi - Sergey Mokrenük Gennadiy Afanasyev aqqında

Büyük miqyaslı ücüminden soñ Afanasyev, Kiyevniñ mudafaasında, Kiyev vilâyetiniñ işğalcılarından serbest etüvinde, Donetsk, Harkiv ve lugansk vilâyetlerindeki uruşlarda iştirak etken edi. Keçken yıl ilk qış aynıñ 18 ukrain qoruyıcı, Lugansk vilâyetindeki Belogorovka köyü astında rusiye cenkâverlerinen uruşında elâk olğan. 

“Gennadiy Afanasyev, Aqmescit ş. doğğan, buna köre, Nova Darnitsa tarihiy yerinde oınñ hatırasınıñ ebideyleştirüvi, yanında bulunğan Aqmescit, Aqyar, Yalta soqaqlarnıñ qırım adlarına timsaliy tamamlaması olacaq”, - yazdı Vitovska. 

Belli olğanı 

• Gennadiy Afanasyevniñ ömür arqadaşı ve  2020 senesi orta küz ayında doğğan qızı qalğan.

Bizni Telegram'da oquñız