Bunıñ aqqında qırımtatar ressamı, “El-Cheber” CT başı Rustem Skibin Suspilne Qırımnı bildirgen. 

Onı AQŞ’dan tilşınas, dunyadaki farqlı tiller içün Brayl yazısınıñ yaratılması boyunca mütehassısı Harris Moubreyniñ teşebbüsı ile işlep çıqarğanlar. Urufatnı tilşınas Nariman Seitâğyayev qabul etken, leyha koordinatorı ise qırımtatar cemaat erbabı Erfan Kudusov olğan. Urufatınıñ vizual qısmını Rustem Skibin ve dizayner Aleksandr Marçenko işlep çıqarğanlar. 

Leyha, qırımtatar tilini ögreneyatqan ve köz meselelernen olğan insanlar içün yaratılğan. O, etraftaki insanlarınen subetleşüvinde ve etnik tiliniñ ögrenüvinde pek yardım eter. Urufatınıñ 41 işareti bar: 34 arifi ve yedi toqtav işareti. O, canlı trazda da irişimli olacaq. 

“Şimdi qırımtatar tili içün Brayl yazısını yoneliş platformalarına yükleycegimiz - içtimaiy ağlarımız, saytlarımızğa ve inklüziyanen oğraşqan institutsiyalarına da alıp beremiz. Yañı yazısını tasil saasında da çalışqan mütehassıslarğa da alıp berdik”, - tarif etti Skibin. 

Leyha teşebbüsçısı Harris Moubrey, Suspilne Qırımnıñ tefsirinde qırımtatar tili içün Brayl urufatınıñ yaratıluvı aqqında ğayesi, azlıqlarnıñ laf etken çoqusı tiller içün bu sisteması yoq olğanını qayd etken soñ peyda olğanını bildirdi. 

“Bir qaç soñki yıl içinde bütün dünyadaki til azlıqlar içün Brayl yazısını yaratmaq içün olarnen çalışqan edim, keççe ise luğatlar ve dogmeler kibi başqa tehnologiyalar üzerinde çalışmaq içün de. Vaqialarnıñ bir birine kelüvine köre, 2021 senesiniñ başında Brayl urufatını ilk nevbette gagauz tili - Moldova ve Ukrainada laf etilgen türk tili içün işlep çıqardım. Amma onen tek moldovalılarnen muzakere etken edim. Belki de, Brayl urufatını yaratqanım eñ büyük tili uyğur soyu edi - Qıtayda laf etilgen türk tili”, - tarif etti Moubrey.

Amerikalı tilşınası qayd etkeni kibi, til azlıqları içün Brayl yazısınıñ yaratıluvınıñ eñ qıyın qısımlarından biri bürokratiyası edi - onıñ iç bir vaqıt bulunmağan başqa ülkesinde insanlarnı onıñ müimliginde inandırıp bu sistemasını qabul ettirilmesidir. 

“Braylnıñ qırımtatar sisteması, latin urufatında esaslana ve onıñ qolay ögrenilmesi içün işlep çıqarılğan. O, insanlarğa yardım eter dep ümüt etem”, - qayd etti Moubrey.

Menba: facebook.com/ErfanKud

Belli olğanı

• Respeecher’niñ esasçısı, tehnikiy müdiri Dmitriy Belevtsov, qırımtatar tiliniñ tanıması içün sahte aqılını idman ettirgen Respeecher adlı ukrain startapı aqqında tarif etken, daa bu leyha onı rağbetleştirmege yardım eter. 

Bizni Telegram'da oquñız