AQŞ, Ukraina, Qırım boyunca uruşlar içün ğarbiy silânı qullansın dep qarşı çıqmaylar
Milliy telükesizligi boyunca AQŞ prezidentiniñ mesleatçısı Ceyk Sallivan ilân etkeni kibi, Qoşma Ştatlar, Ukraina Silâlı quvetlernen vaqtınca işğal etilgen Qırımı boyunca amerikalı ve ğarbiy silânıñ, bunen beraber F-16 qırıcılarnıñ qullanuvına qarşı degiller, amma Rusiye territorıyası boyunca olmasa.
Bunıñ aqqında o CNN intervyüsinde haber etken.
Sallivan qayd etkeni kibi, AQŞ, RF territoriyası boyunca uruşlar içün öz silânıñ qullanuvına qarşı çıqalar, amma Qırım, ukrain territoriyası ola, buna köre, anda USQ’den uruşlarnıñ yapılması mümkün.
“Ukrainağa, Rusiye boyunca uruşlar içün amerikalı ve ğarbiy silânı qullanmağa izin bermeycegimizni ayttıq. Biz ise - Qırım - Ukrainadır olğanını dep tüşünemiz”, - ilân etti AQŞ prezidentiniñ mesleatçısı.
Bundan da ğayrı, o, matbuat kâtibi Karin Jan-Puernen umumiy matbuat brifinginde AQŞ, Rusiye boyunca uruşlar içün Ukrainanen F-16 qullanuvına qol tutmağanlarını ilân etken.
Belli olğanı
- G7 sammiyinde AQŞ prezidenti Co Bayden ilân etkeni kibi, Vaşington, F-16 qırıcısında ukrain uçucılarnıñ ögretüvi boyunca umumiy halqara quvetlerine qol tuta. Olarnı ya Ştatlar özü, ya da ittifaqdaşlar alıp bererler.
- 20 mayıs işğal etilgen Qırımda Aqyar yanında “Kaça” aerodromında patlav olğan, onıñ neticesinde rusiye arbiyleriniñ Mi-8 cenkâver helikopteri bozulğan.
- 18 mayıs işğal etilgen Qırımnıñ Aqmescit rayonındaki demiryolunda patlav olğan.
- Demiryolnıñ patlatuvı, Aqyardaki limanına silânıñ teslim etüv zıncırını bozabile, bunen beraber, belki de, “Kalibr” raketalarnıñ da.
- “Azatlıq radiosı”nıñ “Qıırm.Aqiqatı” leyhasınıñ jurnalistleri vaqtınca işğal etilgen Qırımda rusiye arbiylerniñ 200 ziyade çalışqan, vaqtınca ve qapatılğan obyektini tapıp interaktiv haritasını yaptılar.
- Ukraina meseleleri boyunca AQŞ Devlet departamentiniñ ayrı sabıq vekili Kurt Volker, Qırımnıñ deokupatsıyasını başlamağa Ukrainanıñ çaresi endi bar olğanını saya.
Bizni Telegram’da oquñız
