Siyasiy mabusı Teymur Abdullayev, 750 künden ziyade rusiye cezahanesinde bulunmaqtadır

Присяжнюк Владислава
·
15:43, 19 Quralay
Siyasiy mabusı Teymur Abdullayev, 750 künden ziyade rusiye cezahanesinde bulunmaqtadır
Foto menbası: Кримська солідарність

Birinci aqmescitteki “Hizb ut-Tahrir” davasında mahküm etilgen Teymur Abdullayev, Başqurtistandaki rusiye cezahanesinde 750 künden ziyade bulunmaqtadır. 

Bunıñ aqqında “Qırım birdemligi” bildire

Advokat Edem Semedlâyev qayd etkeni kibi, Teymur, bunı onı işdeşlikke mecbur etken RF mahsus hızmetlerniñ ziyaretinen bağlay. 

“Bu ameliyatnı yañıdan baqmağa bütün ricalar ve şikâyetlerge baqmadan, koloniyanıñ memuriyeti, uydurılğan bozuluvlarğa esaslanıp red ete”, - tefsir ete uquq qoruyıcı. 

Abdullayevge böyle munasebetini koloniyanıñ memuriyeti, o, “büyük bozıcısı” olğanınen añlata. Cezahanede nevbetteki bulunuvları arasında qırımtatarını QNŞK’na (qattı nizamlı şaraitlernen kamerası) alıp keçireler, bundan soñ kene de cezahanesine yyerleştireler.

“Eñ meraqlı şusı ki, cezahanede onıñ tutuvınıñ devam etilmesi aqqında hadimler evelden haber eteler, malümatlar evelden toplanılğanlar. O, cezahanede keçirilgen künlerni saya ve o endi 750 künden ziyade ola”, - tarif etti Teymurnıñ ömür arqadaşı Alime Abdullayeva. 

Belli olğanı

  • 2021 senesi uvut-saban aylarında Teymur Abdullayevniñ gopertonik krizi başlanğan, buna köre, bazı vaqıt içinde cezahanede yataq rejiminde buluna edi. Yazda cezahanede nevbetteki bulunuv müddetiniñ bitüvinden soñ Teymur Abdullayevni bazı vaqıtqa tutuvnıñ qattı şaraitlernen avlasına yolladılar. Amma keççe onı cezahanege muntazam sürette yollamağa başladılar. 
  • Qırımlı Teymur Abdullayevni 16,5 yılğa azatlıqtan marum etip 1 yıl ve dört ayğa memuriy közetüvine mahküm ettiler, onıñ ağası Üzeir Abdullayevni - 12,5 yılğa azatlıqtan marum etüvine. Ekisi, Salavat ş. cezahanelerinde tutıla. 
  • Qırımtatar siyasiy mabusı Teymur Abdullayevniñ anası Dilâra, Ukraina prezidenti Vladimir Zelenskiy ve RF prezidenti Vladimir Putinni onıñ oğlusınen bağlı vaziyetini öz nezareti astına alıp oña tibbiy yardımnıñ berilmesi içün kerek olğan bütün tedbirlerni qullanmağa rica etken. Onıñ oğlusı, CTT’de tibbiy yardımsız can bere bile dep qorqa. 

Bizni Telegram’da oquñız